35.9 C
Dushanbe

Бунёди Маркази омӯзиш барои наҷотдиҳӣ дар ҳолатҳтои фавқулодда дар Тоҷикистон

Дар минтақаи Қаратоғи Тоҷикистон сохтмони нахустин Маркази омӯзиши наҷотдиҳандагон дар ҳолатҳои фавқулодда дар Осиёи Марказӣ шурӯъ шуд.

Гуфта мешавад, бунёди нахустин Маркази омӯзиши наҷотдиҳандагон дар офатҳои табиӣ дар Осиёи Марказӣ дар харобаҳои қисми низомии 45045 Кумитаи ҳолатҳои фавқуллода дар масоҳати 28 гектар оғоз гардидааст.

Ҳамзамон дар ин марказ тамрингоҳи махсус барои омӯзиши наҷотдиҳандагон дар шароити кӯҳистонӣ бунёд мегардад.

Рустам Назарзода, раиси Кумитаи ҳолатҳои фавқулодда ва мудофиаи граждании Тоҷикистон ба Радиои Озодӣ гуфтааст, сохтмони тамрингоҳ ва маркази омузишӣ дар ду давр анҷом хоҳад шуд, даври аввал бунёд ва таъмири кулии биноҳои таълимӣ, бинои маъмурӣ, меҳмонхона, гузаргоҳи назоратӣ, ҳамчунин бунёди шабакаҳои барқрасонӣ, оби ошомиданӣ ва гармидиҳӣ, шабакаҳои коррезӣ ва ободкории ҳудуди маркази таълимӣ, хариди мебел ва таҷҳизотро фаро мегирад.

Сурат: khf.tj / КҲФ Тоҷикистон

Ба гуфтаи ин масъул, барои иҷрои комили корҳои сохтмонӣ дар ин марказ ҳудуди се миллион евро сармоя зарур аст. Ҳоло танҳо марҳилаи аввали сохтмони ин марказ шурӯъ шуд ва Иттиҳоди Аврупо тавассути Дафтари намояндагии барномаҳои САҲА дар Тоҷикистон як миллион евро ихтисос додааст. Ва ҳоло талошҳо барои ба даст овардани сармояи боқимонда идома дорад.

Ҳамчунин зирк гардидааст, ки дар ин марказ ҳамзамон наҷотдиҳандагони Афғонистон низ метавонанд таълим бигиранд, зеро офтаҳои табиӣ дар ин кишвар мушобеҳи ҳодисаҳои табиӣ дар Тоҷикистон аст.

Қайд гардидааст, ки марҳилаи аввали сохтмони тамрингоҳ ва маркази омӯзишӣ барои наҷотдиҳандагони ҳолатҳои фавқулодда то моҳи ноябри соли ҷорӣ ба анҷом мерасад.  

Хабарро таблиғ кунед:

БЕШТАР БИХОНЕД
БЕШТАР БИХОНЕД

Трамп расман ба даст доштан дар ҷинояти нав муттаҳам шуд

Доналд Трамп, собиқ раисҷумҳури Амрико аз сӯи Вазорати додгустарии ин кишвар дар парвандаи нигаҳдории асноди маҳрамонаи давлатӣ пас аз поёни давраи президентияш муттаҳам мешавад.

Мулоқоти сафири Тоҷикистон бо Додситони кулли Туркия

Ашрафҷон Гулов, домоди Эмомалӣ Раҳмон ва сафири Тоҷикистон дар Туркия, 8-уми июни соли ҷорӣ бо Додситони кулли Туркия Бекир Шоҳин мулоқот карда, ба густариши ҳамкориҳо таъкид кард.

Ифтитоҳи бузургтарин масҷиди Осиёи Марказӣ дар Тоҷикистон

Бузургтарин масҷиди Осиёи Марказӣ бо ҳузури Амири давлати Қатар Шайх Тамим ибни Ҳамад Оли Сонӣ ва Эмомалӣ Раҳмон, Президенти Тоҷикистон дар шаҳри Душанбе мавриди баҳрабардорӣ қарор гирифт.

Имзои 15 санади ҳамкорӣ байни Тоҷикистон ва Қатар

Маросими имзои 15 санади ҳамкорӣ байни Тоҷикистон ва Қатар бо ҳузури сарони ду кишвар дар шаҳри Душанбе баргузор шуд.