27.9 C
Dushanbe

Ҷалолиддин Маҳмуд дигарбора маҳкум ба зиндон шуд

Ҷалолиддини Маҳмуд узви собиқи Раёсати олии ҲНИТ дубора равонаи зиндон шуд. Дар ин бора рӯзи 20 декабри соли ҷорӣ, пойгоҳи хабарии “Бомдод” хабар дод. Бино ба навиштаи ин пойгоҳ Ҷалолиддини Маҳмудро ба 6 солу 8 моҳи зиндон маҳкум кардаанд.

Пештар аз ин Ҷалолиддин Маҳмуд моҳи феврали соли 2015 бо иттиҳоми ғайриқонунӣ нигоҳ доштани силоҳ дастгир ва ба 5 соли зиндон маҳкум шуда буд. Ӯ моҳи апрели соли 2019 бар асоси қонуни авф аз зиндон озод гардид.

Ин собиқ узви Раёсати олии ҲНИТ-ро рӯзи 3 август дубора аз манзилаш аз деҳаи Чуқурак дар канори шаҳри Ҳисор барои бозпурсӣ бурда, баъди чанд соат манзилашро кофтукоб намуда, китобҳояшро ҳам мусодира карданд. Сабаби боздошти Ҷалолиддини Маҳмуд эълон нашуда буд ва дар тӯли чоруним моҳе, ки аз боздошти ӯ мегузарад, тафсилоте дар бораи парвандаи ӯ аз ҷониби мақомот дода нашуда аст.

Баъзе коршиносон бар ин назаранд, ки Ҳукумат метавонист аз вуҷуди Ҷалолиддини Маҳмуд барои нақшаҳои розикунонии мухолифони дар хориҷбуда истифода кунад, вале бо зиндонӣ кардани ӯ ин имкониятро аз даст дод.

Аз ҷумла Амруллоҳи Низом, рӯзноманигори шинохтаи тоҷик дар саҳифаи фейсбукияш менависад, ки мақомоти Суди олии Тоҷикистон бо дубора зиндонӣ кардани Ҷалолидини Маҳмуд, “ду нақшаи Ҳукуматро барбод доданд”.

Ӯ менигорад: “Ҳукумат дар чанд маврид аз Ҷалолидини Маҳмуд барои мутақоид кардани зиндониёни сиёсӣ дар робита “ба эътирофоти ҷурм” ва “узрхоҳӣ аз раҳбарияти олии Тоҷикистон” кор гирифт ва хелеҳоро бо ин роҳ моил карда буд, ки ба вай ва ваъдаҳои ҳукумат бовар карда ба Ватан баргарданд, аммо акнун пас аз зиндонӣ шудани Ҷалолидини Маҳмуд он “шӯълаҳои умед” дар дили боваркардаҳо хомӯш шуданд”.

Ин рӯзноманигори тоҷик бар назар аст, ки то ҷое “Ҳукумат тавассути Ҷалолидини Маҳмуд хеле аз раҳбарони хомӯшнишастаи ҲНИТ дар хориҷ аз кишвар, ба хусус дар Аврупоро мутақоид карда буд, бояд ба Ватан баргарданд ва дар ин раванд хеле муваффақ ҳам шуда буд”, вале ин кори баъзе мақомоти судӣ боиси барбод рафтани нақшаи Ҳукумат шуд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Гумонбарон дар қатли занҷираии Конибодом боздошт шуданд?

Мақомот гумонбарон дар қатли занҷираӣ дар шаҳри Конибодоми вилояти Суғдро боздошт кардаанд.

Ҳушдори КҲФ аз омадани сел дар баъзе манотиқ кишвар

Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ба сокинон ва меҳмонони кишвар аз эҳтимоли омадани сел дар чанд ноҳияи кишвар ҳушдор медиҳад.

Боздошти Усмонзода бо иттиҳоми ғасби ҳокимият

Дахлнопазирии вакили парлумони кишвар Саидҷаъфар Усмонзода бекор ва худи ӯ ба ҳабси пешакӣ гирифта шуд.

“Карим”-ро аз Русия ихроҷ карданд

Мақомоти Русия варзишкори тоҷик ва қаҳрамони ду вазни созмони "Hardcore MMA" Фазлиддин "Карим" Мадраҳимовро аз ин кишвар ихроҷ карданд.