26.9 C
Dushanbe

Мақомот Ҷалолиддини Маҳмудро дубора боздошт карданд

Акс: аз “Озодӣ”

Ҷалолиддини Маҳмуд, узви собиқи Раёсати Олии ҲНИТ, ки як сол қабл аз зиндон озод шуда буд, рӯзи 3 августи соли ҷорӣ дубора боздошт шудааст ва то ҳол макони будубошаш маълум нест. Гуфта мешавад, ки чанд соат пас аз боздошташ китобҳояшро ҳам бурдаанд ва то ҳанӯз ҳеҷ хабаре аз ӯ нест. Дар ин бора сомонаи “Паём” хабар дод.

Бино ба гуфтаи манбаъи “Паём” боздошткунандаҳо дар тан либоси мулкӣ доштаанд ва аз ин ки худро муаррифӣ накарданд, ба кадом ниҳод таъаллуқ доштанашон маълум нашудаст. Назари хонаводаи Ҷалолиддини Маҳмуд то ҳанӯз дастрас нест.

Ҷалолиддини Маҳмуд дар аввали соли 2015 бо итиҳоми нигоҳдории силоҳ боздошт шуд ва моҳи апрели соли 2019 тибқи қонуни афв ба озодӣ баромад.

“Паём” менависад, ки Ҷалолиддини Маҳмуд ҳангоми дар зиндон буданаш борҳо шиканҷа шуд, то назди наворбардор алайҳи ҲНИТ изҳорот диҳад, аммо ҳозир нашуд.

Мақомот дар зиндон борҳо кӯшиданд иттиҳомоти тозае алайҳи ӯ бисозанд, то ҳукмашро тӯлонитар созанд.

Гуфтанист, 5 рӯз қабл узви дигари собиқи Раёсати Олии ҲНИТ Исломуддин Файзалӣ низ боздошт шуд. То ҳол хабари дигаре аз вазъи ӯ дастрас нест ва мақомот низ расман ҳеҷ иттилоъе дар ин бора надодаанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Корҳои фаҳмондадиҳӣ барои бартараф намудани ифлосии Душанбе

Масъулони шаҳри Душанбе мехоҳанд бо гузарондани корҳои фаҳмондадиҳӣ миёни мардум мушкилии партовҳои пойтахтро бартараф кунанд.

Даргузашти Муҳаммадалии Файзмуҳаммад дар зиндон

Мавлавӣ Муҳаммадалии Файзмуҳаммад, зиндонии сиёсӣ ва узви Раёсати олии ҲНИТ дар умри 65-солагӣ дар зиндон даргузашт.

Наздики ним миллард қарзи “ТАЛКО” аз барқ

Вазорати энергетика ва захираҳои оби Тоҷикистон дар ҳузури хабарнигорон номи қарздорон аз барқро эълон кард.

Норасоии омӯзгор мушкили ҳалнашавандаи Вазорати маорифи Тоҷикистон

Вазири маориф ва илми Тоҷикистон имрӯз, 26-уми июл зимни нишасти матбуотии ниҳодаш аз мушкили норасоии омӯзгорон дар мактабҳои миёна шикоят кард.