30.8 C
Dushanbe

Чаро бахши “Россия сегодня” дар Тоҷикистон кушода нашуд?

Фото: Пресс-служба МИД РФ

Вазири умури хориҷаи Русия Сергей Лавров дар мавриди мушкилии ифтитоҳи бахши Агентии иттилоотии байналмилалии “Россия сегодня” дар Тоҷикистон гуфтааст.

Ба иттилои хабаргузории “Спутник” рӯзи 14 октябр Вазири умури хориҷаи Русия бо радиоҳои Русия мусоҳиба анҷом додааст.

Лавров дар мавриди то ба имрӯз ифтитоҳ нагардидани бахши Агентии иттилоотии байналмилалии “Россия сегодня” дар Тоҷикистон гуфтааст:

“Ман ҳам бар онам, ки мисолҳои зикргардида, аз ҷумла, мушкилии расонаҳои мо то охир ба эътидол оварда нашудаанд. Боварӣ дорам, ки мо ин мушкилиро ҳал мекунем, аммо розиям, ки он набояд пеш меоамад. Бо дарназардошти муносибатҳои мо, ҳамаи он корҳое, ки мо мекунем дар амал, иштирокамон дар иттиҳодҳои муштарак ва назардошти манфиатҳоямон бояд автоматӣ ва равшантар мешуданд”.

Лавров дар идома иброз доштааст: “Кишвар пурра аз мо вобаста аст, аммо ҳар кор хоҳанд мекунанд”.

“Ман наметавонам, маҳкум кунам, дар ҳоле, ки ба ҷанбаҳои амалии муносибатҳои мову шариконамон машғулам. Шумо рӯзноманигорон имконият доред, ки ба вазъият баҳои объективӣ диҳед. Вақте ки дар расонаҳо саволҳои амалиро ба пеш мегузоранд, албатта доим омодаем, ки онҳоро ба назар гирем ва дар сиёсати амалии худ аз он истифода барем”, – мегӯяд, Лавров.

Вазорати алоқа танҳо ба таври автоматӣ муносибатҳои иттифоқии байни кишварҳоро ба назар нагирифтанд, барои ҳамин вазоратҳои алоқа бояд фаъолона дар гуфтушунидҳо ширкат варзанд, – гуфтааст, Вазири умури хориҷии Русия.

Ҳамчунин Лавров дар мавриди омӯзгорони забони русӣ ба Тоҷикиситон гуфтааст: “Тоҷикистон мувофиқи созишҳо барномаи махсуси омодасозии муаллимони забони русӣ ва рушди забони русӣ роҳандозӣ мешавад. Чунин барномаҳо дар Қирғизистон низ ба роҳ монда шудаанд”.

Чанде пеш хабаргузориҳо иттило доданд, ки Русия ба Тоҷикистон шарт гузоштааст, ки омӯзгоронеро, ки аз Русия ба Тоҷикистон мераванд ба ҷойи зист таъмин намояд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Афзоиши “рейд”-и муҳоҷирон дар Челябинск

Дар вилояти Челябински Русия тафтиш ва амалиётҳои махсуси мақомоти қудратӣ болои муҳоҷирони корӣ афзоиш ёфтааст.

Кушта шудани чанд коргари афғон дар Тоҷикистон

Ба иттилои расонаҳо, 8 шаҳрвнади Афғонистон дар пайи як таркише дар кони истихроҷи ангишт воқеъ дар вилояти Суғди Тоҷикистон ҷон бохтаанд. 

Ҷанги Русия ва Украина ба поён мерасад?

Москва пешниҳод кард, ки музокирот бидуни ягон шартҳои муқаддамотӣ оғоз шавад, аммо Киев аввал мулоқоти рӯбарӯ бо Путинро талаб кард.

Иқомаи як муҳоҷири тоҷик дар Русия бекор шуд

Пулиси шаҳри Самараи Федератсияи Русия иқомаи доимии як шаҳрванди Тоҷикистонро бекор кард.