Рӯзҳои 27 ва 28-уми октябри соли ҷорӣ дар Риёз пойтахти Арабистони Саудӣ бо ташаббуси Ҳайати саргармии ин кишвар ҷашни “Ҳелловин” баргузор шуд, ки вокунишҳои зиёдеро ба бор овард.
Баргузории ҷашни “Ҳелловин” дар пойтахти Аарбистони Саудӣ дар ҳолест, ки ин кишвари мусалмонӣ солҳо доир намудани ҳар навъи ҷашнеро, ки ба шариати исломӣ мувофиқ набуд, ба шиддат маҳкум мекард ва ҳатто ба омилони он ҷазо ҳам таъйин мешуд.
Аммо имсол Ҳайти саргармии Саудӣ зери номи “Охири ҳафтаи тарснок” “Ҳоллевин”-ро, ки ҳечгоҳ дар ин кишвар баргузор намешуд, бо як дабдабаи хос доир кард. Мардум дар макони баргузории ин ҷашн либосҳои тарснок ва шаклҳои ваҳшатангезе аз худ ба намоиш гузоштанд.
قلبك قوي؟ 🫀
جهز زيك المرعب ودخولك بيكون مجاني لـ #بوليفارد_رياض_سيتي
وعيش الأجواء المخيفة صدق في #ويكند_الرعب 🧟🔥#موسم_الرياض pic.twitter.com/BpAzZIs8zb— موسم الرياض | Riyadh Season (@RiyadhSeason) October 27, 2022
Иқдоми Арабистони Сақдӣ дар баргузории ин ҷашн аз ҷониби аксари мусалмонони дунё мавриди интиқоди шадид қарор гирифт. Аксар бар ин назаранд, ки Арабистони Саудӣ ба далели хсотгоҳи Ислом ва вуҷуди Каъбаву Мадинаи Мунаввара – ду макони муқаддас барои тамоми мусалмонони дунё, набояд ба чунин корҳое даст бизанад.
Дар ҳамин ҳол Ғоним Ад-Дусарӣ, яке аз мухолифони ҳукумати Арабистони Саудӣ дар ҳисоби тивиттераш менависад, ки “Чаро Ҳайтаи кибори уламо (Ҳайати олимни барҷастаи Саудӣ) баргузории ҷашни “Ҳелловин”-ро ҳалолу ҷашни милоди Паёмбарро ҳарром мегӯянд?
لماذ تحلل هيئة كبار العلماء السعودية الاحتفال بالهالوين وتحرم الاحتفال بالمولد النبوي ؟ pic.twitter.com/19oIBFuzrS
— غانم الدوسري (@GhanemAlmasarir) October 30, 2022
Аммо баъзе корбарон мегӯянд, олимони зиёде дар Арабистони Саудӣ вуҷуд доранд, ки аз баргузории чунин ҷашнҳо ба шиддат норозиянд, вале бархӯрди шадиди ҳукумати Муҳаммад бин Салмон бо олимони дин онҳоро тарсондааст, ки хомӯширо пеш гирифтаанд.
Ҳамзамон баъзе наворҳое дар шабакаҳои иҷтимоӣ роҳ ёфтааст, ки ҳукми шаръии баргузории ҷашни “Ҳелловин” аз олимони динӣ пурсида мешавад, ки онро ноҷоиз медонанд. Аз ҷумла, Шайх Солеҳ Фавзон, яке аз олимони шинохтаи ин кишвар онро ноҷоиз дониста, аз мардум мехоҳад дар чунин маҳфилҳо ширкат накунанд.