Сиёсат

Изҳори омодагии Чин барои фиристодани нерӯи низомӣ ба Қазоқистон

Кишвари Чин барои фиристодани нерӯи низомӣ ба Қазоқистон дар чорчӯби Созмони Ҳамкории Шонҳой (СҲШ) изҳори омодагӣ кардааст. Дар ин бора "РИА Новости" хабар дод.

Бино ба гузориши манбаъ, сохтори зидди террористии СҲШ изҳор доштааст, ки дар сурати дархости расмии ниҳодҳои марбутаи Қазоқичтон Чин омодааст нерӯи низомӣ ба ин кишвар ирсол намояд.

Аз ин пеш Созмони Аҳдномаи Амнияти Дастаҷамъӣ бо дархости раисҷумҳури Қазоқистон Қосим-Ҷомарт Тоқаев ба баҳонаи саркӯби "террористон" ва ба эътидол даровардани вазъияти пешомада ба ин кишвар ҳудуди 4 ҳазор нерӯи низомӣ фиристод.

Раисҷумҳури Қазоқистон дар рӯзи аввали тазоҳурот аз кишварҳои узви СААД даъват кард, ки барои мубориза бар зидди "террористон" аз Осиёи Марказӣ ба Қазоқистон нерӯи низоми бифристанд, аммо бо гузашти 10 рӯз мақомоти Қазоқистон ва нерӯҳои СААД ҳеҷ террористи хориҷиеро боздошт накардаанд ва ин боис гашт, ки Тоқаев барои худсафедкунӣ дар нишасти он-лайнии сарони СААД 10 январ гуфт, ки ҷинояткорон ба сардхонаҳо ҳамла карда ва ҷасадҳои террористонро бо худ бурдаанд.

Никол пашинян, ки худ бо тазоҳуроти мардумӣ ва ҳимояти мардум дар Арманистон ба қудрат расид, мегӯяд тазоҳорут барзидди ҳукумат пайомадҳои хубе надорад ва мухолифи тазоҳуроти мардумист.

Ёдовар мешавем, ки Созмони Ҳамкории Шонҳой як паймони амниятии низомии минтақавӣ аст, ки то имрӯз таҷрибаи ҳузури низомӣ дар кишварҳои узвро надорад. Созмони Аҳдномаи Амнияти Дастаҷамъӣ (СААД) низ як созмони мувозӣ бо СҲШ мебошад, ки дар 30 соли фаолияташ бори аввал бо дархости Тоқаев ба баҳонаи саркӯби "террористон" ба Қазоқистон нерӯи низомӣ фиристод, ки ин боиси нигаронии ҷомеаи шаҳрвандии кишварҳои узви СААД гашт.

Дар пайи нооромиҳои ахир дар Қазоқистон 9900 нафар боздошт ва 164 нафар ҷонашонро аз даст додаанд.

Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp, Viber ва Imo ба ин рақам:

Матолиби дигари Сиёсат

Тоҷикистон

Ятимов чаро ба Хоруғ рафт?

Сиёсат

Вокуниши Толибон ба изҳороти ахири Эмомалӣ Раҳмон

Тоҷикистон

Оғози таҳаррукоти машкуки КДАМ дар Бадахшон

Сиёсат

Нишасти изтирории сарони кишварҳои узви СПАД