28.9 C
Dushanbe

Дабири кулли СПАД: Ба Тоҷикистон бояд кумак кард

Дабири кулли Созмони Паймони Амнияти Дастаҷамъӣ (СПАД) гуфтааст, ки ба хотири ҷилавгирӣ аз хатари таҳдидҳо аз самти Афғонистон бояд ба Тоҷикистон кумак карда шавад.

Хабаргузории давлатии Русия “Тасс хабар додааст, ки 20-уми январ Дабири кулли СПАД Станислав Зас дар ҷаласаи Кумитаи Думаи Давлатӣ оид ба умури Иттиҳоди давлатҳои мустақил (ИДМ), Авруосиё ва Осиёи Марказӣ ба вакилон дар бораи вазъ дар минтақаҳои Аврупои Шарқӣ, Қафқоз ва Осиёи Марказии амнияти дастаҷамъии СПАД маълумот дода, таҳдидҳои аз қаламрави Афғонистон омадаро шарҳ додааст.

Ба қавли манбаъ, Станислав Зас таъкид кардааст, ки ба хотири ҷилавгирӣ аз таҳдидҳои эҳтимолӣ аз сӯи Афғонистон бояд ба Тоҷикистон кумак карда шавад.

Пеш аз ин рӯзи 10-уми январ Александ Лукашенко, президенти Белорус ҳам дар нишасти ғайри навбатии сарони кишварҳои узви СПАД аз сарони ин созмон хоста буд, ки “ба хотири пешгирӣ аз такрори ҳодисаҳои ҳаммонанди Қазоқистон дар Тоҷикистон амниятро таъмин ва ба он кумак кунанд.”

Нигаронии сарони кишварҳои узви СПАД, аз ҷумла Эмомалӣ Раҳмон ва Дабири кулли он аз эҳтимоли таҳдиди хатарҳо аз самти Афғонистон дар ҳолест, ки ҷониби Афғонистон, ки дар он Толибон қудратро дар даст доранд, изҳороти ахири Президенти Тоҷикистон дар ин хусусро рад карда, борҳо таъкид кардаанд, ки аз хоки Афғонистон ба қаламрави ҳеч кишваре, ба хусус ҳамсояҳои он ҳеч гуна хатаре таҳдид намекунад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

“Гурӯҳи 24” рафтори мақомоти рус ва беамалии мақомоти тоҷикро маҳкум кард

Ҳаракати сиёсии “Гурӯҳи 24” бо нашри изҳороте рейду боздошт ва латтукӯби муҳоҷиронро дар шаҳру ноҳияҳои Русия муносибати ғайриинсонӣ ва бераҳмонаи мақомоти давлатии ин кишвар номид.

Шикояти вакилони дифоъи Хуршед Фозилов

Вакилони дифои рӯзноманигори зиндонӣ Хуршед Фозилов аз болои ҳукми Додгоҳи Панҷакент ба Додгоҳи вилояти Суғд шикоят бурдаанд.  

Латтукӯби муҳоҷирон ва ба маконҳои номаълум бурдани онҳо идома дорад

Чанд рӯзи ахир боздошт ва латтукӯби муҳоҷирон, бахусус муҳоҷирони тоҷик аз ҷониби нерӯҳои амниятӣ ва интизомии Русия бештар шудааст.

Рафту омад дар роҳи Душанбе-Хуҷанд маҳдуд шуд

Шуруъ аз имрӯз, 1-уми июни соли ҷорӣ дар шоҳроҳи Душанбе-Чаноқ барои рафту омади мошинҳо маҳдудият ҷорӣ шудааст.