21.9 C
Dushanbe

Дар ҳамла ба фурӯдгоҳи Доғистон пулис ва корманди он осеб диданд

Шаби 29-уми октябри соли ҷорӣ дар назди фурӯдгоҳи Махачқалъаи Доғистон гирдиҳамоӣ сурат гирфта, ҷавонони зиёде даст ба бетартибиҳо зада, ба дохили он ҳамла карданд.

Гуфта дар пайи ин бетартибиҳо 20 нафар фароҳат бардоштаанд. Ба иттилои мақомоти ин кишвар, вазъи саломатии 10 нафар аз маҷруҳ шудагон вахим арзёбӣ мешавад. Ҳамзамон 9 корманди пулис низ ҷароҳат бардошта, 2 нафарашон дар беморхона бистарӣ шудааст.

Дар наворҳое, ки аз рафти ин бетартибиҳо дар шабакаҳои иҷтимоӣ нашр шуд, дида мешавад, ки мардуми зиёд дару шишаҳои фурӯдгоҳро мешикананд ва мехоҳанд дохили он ворид шаванд. Гуфта мешавад, сабаби чунин иқдоми ҷавонон барои ҷустуҷӯи яҳудиёне будааст, ки аз Исроил ба ин кишвар фирор карданд. Онҳо бо шиорҳои зидди исроилӣ талаб кардаанд, ки яҳудиёни фирор карда ба Доғистон ворид нашаванд.

Тавре дар наворҳои нашршуда дида мешавад, эътирозгарон дохили фурӯдгоҳ ворид шуда, ҳатто то назди ҳавопаймо рафтаанд.

Пулиси Доғистон мегӯяд, дар пайи ин бетартибиҳо беш аз 150 нафар, ки дар тахрибкорӣ бештар даст доштанд, шиносӣ шуда, то ҳол 60 нафарашон дастгир шудааст.

Уқмитаи тафтишоти Доғистон хабар дод, ки бар зидди ин бетартибии ҷавонон дар фурӯдгоҳ парванда боз карда, таҳқиқро оғоз кардааст.

Бархе расонаҳо навиштаанд, ки сабаби ин эътирози сахти шаҳрвандони Доғистон ба ҳамлаи Исроил ба Ғазза марбут аст, ки кушташудани занону кӯдакони бегуноҳ хашми онҳоро барангехтааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Тоҷикистон: 8 миллиард барои обу ҳаво

Кумитаи ҳифзи муҳити зисти Тоҷикистон ва Бонки Осиёии Рушд...

Боздошти Шокирҷон Ҳакимов, муовини раиси ҲСДТ

Шокирҷон Ҳакимов, муовини якуми раиси Ҳизби сотсиал-демократи Тоҷикисон аз...

Боздошти марди 59-солаи тоҷикистонӣ дар Олмон ба иттиҳоми қатли ҳамсар

Мақомоти олмонӣ як марди 59-солаи тоҷикистониро бо иттиҳоми қатли ҳамсараш боздошт кардаанд.

Баъди латукӯби сарбоз раиси суди ноҳияи Шамсиддин Шоҳин аз вазифа барканор шуд

Раиси суди ноҳияи Шамсиддин Шоҳини вилояти Хатлон, ки як сарбозро латукӯб карда буд, аз вазифа барканор шуд.