19.9 C
Dushanbe

Дар Дарвоз сатрпӯшонро ба Наврӯз роҳ надоданд

Дар маросими баргузории ҷашни Наврӯз дар ноҳияи Дарвози Вилояти Мухтори Кӯҳистон Бадахшон бонувони ҳиҷобпӯшро роҳ надоданд.

Имрӯз, 21-уми марти соли 2023 дар бузургтарин варзишгоҳи ноҳияи Дарвози Вилояти Мухтори Кӯҳистони Бадахшон бо иштироки раҳбарияти ноҳия ва дигар мақомоти расмӣ ҷашни Наврӯз баргузор шуд.

Аммо бар аксу наворҳое, ки манобеи Azda tv аз рафти баргузории ин ҷашни миллӣ фиристоданд, дида мешавад, ки Зарина Мирзоева, раиси кор бо занони ноҳия ҳамроҳ бо чанд нафари дигар аз кормандони мақомоти қудратӣ хоҳарону модарони ҳиҷобпӯшро ба ин ҷашн роҳ намедиҳанд.

Ба гуфтаи чанд тан аз иштирокчинёни ин ҷашнвора, ки дар сатҳи ноҳия баргузор шуд, хонум Зарина Мирзоев, раиси кор бо занон ва оила ҳамроҳ бо муовини раиси ноҳия Почобибӣ Абдуллозода “аз сатрканони рақами як дар ноҳияи Дарвоз дониста мешаванд.”

Инчунин мақомот пеш аз баргузории ин ҷашнвора аз тамоми хонандагони мактабҳо хоста буданд, ки барои ҷолибтар шудани намоишгоҳи наврӯзӣ дастовезе аз хонаҳои худ биоранд ва вақте ин фармони онҳо тибқи хостаашон анҷом нашуд, талаби худро бо маҷбурӣ сари мардум иҷро карданд.

Ҷолиб он, ки дар аксу наворҳои ирсолшуда дида мешавад, ки мақомот ва ё дурустараш куматаи тадорукоти ин ҷашнвора ба хотири рангинтар кардани барномаҳои наврӯз дасти кам се гурӯҳ аз духтараконро ҳам маҷбур кардаанд, ки дар байни дигарон бо рӯймолҳои калони сафед дар сар дар ин маросим иштирок кунанд.

Ин ҷашнвораи наврӯзӣ дар бузургтарин варзишгоҳи ноҳияи Дарвоз воқеъ дар деҳаи Даштак багузор шуд ва мардумони зиёде аз ҳар гӯшаи ноҳия ба хотири иштирок дар ин маросим ҳузур доштанд.

Гуфта мешавад, маъракаи мубориза алайҳи бонувони ҳиҷобпӯш ҳанӯз солҳои 2006-2007 дар Тоҷикистон оғоз шуд ва дар солҳои 2012-2015 шиддати ин муборизаҳои мақомот афзоиш ёфт. Сипас дар солҳои 2016-2020 ҳам фарозу нишебҳои зиёдеро пушти сар кард ва инак аз оғози соли ҷорӣ аз нав дар гӯшаҳои мухталифи кишвар авҷ гирифтааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Манъи ҳиҷоб дар мактабу беморҳохонаҳо

Мақомоти тоҷик пас аз қабули тарҳи нави қонун “Дар бораи танзими ҷашну маросим” дар мактабу бемористонҳо "рейд" гузаронда, ҳиҷоби занҳоро зӯран мекашанд.

Сарвазирро кӣ ва чаро парронд?

Рӯзи чоршанбе, 4-уми май пас аз як нишасти давлатӣ, ба ҷони Сарвазири Словакия Роберт Фитсо сӯиқасд сурат гирифта, ӯ ба бемористон мунтақил шуд.

Тамдиди муҳлати ҳабси гумонбарони ҳамла ба Крокус

Додгоҳе дар Русия муҳлати ҳабси чор зодаи Тоҷикистонро, ки дар дар ҳамлаи хунин ба “Крокус Сити Ҳолл” гумонбар мебошанд, барои 3 моҳи дигар дароз кард.

“Идгардак”-у пешвози ҳоҷиён ва “либосҳои ба фарҳанги миллӣ бегона” манъ шуд

Дар Тоҷикистон "идгардак"-и кӯдаконро дар рӯзҳои Иди Рамазон ва Қурбонро манъ карданд.