24.9 C
Dushanbe

Дар ду рӯз 3 кӯдаки ноболиғ ғарқ шуд, кӣ гунаҳкор аст?

Рӯзҳои 16 ва 17-уми июни соли ҷорӣ дар Тоҷикистон се кӯдаки ноболиғ ғарқ шуданд, ки хурдтарини онҳо якунимсола буд.

Тавре Кумитаи ҳолатҳои фавқулодда ва мудофеаи граждании Тоҷикистон хабар дод, яке аз ин кӯдакон, ки 10 сол умр дошт ва сокини деҳаи Худгифи ҷамоати деҳоти Иван Тоҷики ноҳияи Кӯҳистони Мастчоҳи вилояти Суғд буд, 16-уми июн ҳангоми оббозӣ дар канали обёрии деҳаи Меҳнатободи ноҳияи Зафаробод ғарқ шуд. Баъд аз ҷустуҷӯ “ҷасади писарбача пайдо ва ба мақомоти ҳифзи ҳуқуқ супурда шуд.”

Айнан дар ҳаин рӯз, яъне 16-уми июн боз ҳам дар ноҳияи Зафаробод як писарбачаи 15-солаи сокини деҳаи Обурдони ноҳияи Мастчоҳ ҳангоми оббозӣ дар канали «Тоҷикистон» ғарқ шудааст. Гурӯҳи наҷоти КҲФ тавонистанд ҷасади ин писарбачаро низ пайдо ва ба мақомот тавҳил диҳанд.

Аммо ҳодисаи сеюм дар ноҳияи Лахш рух додааст. Гуфта мешавад, рӯзи 17-уми як кӯдаки сокини деҳаи Балхаки ҷамоати деҳоти Нурафшони ноҳияи Лахш, ки ҳоло дусола набуд, ба ҷӯйборе, ки аз паси хона мегузарад, сарозер шуда, ғарқ шудааст.

КҲФ сабаби аслии ба вуқӯъ пайвастани ин ҳодисаҳои нохушро “оббозӣ дар ҷойҳои мамнуъ, риоя накардани қоидаҳои шиноварӣ ва беназоратии волидон” донистааст.  

Ҳамчунин Кумитаи ҳолатҳои фавқулоддаи Тоҷикистон мегӯяд, ки “аз аввали соли ҷорӣ то имрӯз дар обҳои кишвар 66 нафар ғарқ шуданд, ки 31 нафари онҳо бачаҳои то 16-сола мебошанд.” 

Хабарро таблиғ кунед:

БЕШТАР БИХОНЕД
БЕШТАР БИХОНЕД

Кумаки 141 миллионии ИА ба Тоҷикистон

Иттиҳоди Аврупо эълон кардааст, ки зиёда аз 140 миллион евро ба Тоҷикистон кумак мекунад.

Рушди беш аз 8%-и иқтисоди Тоҷикистон

Гузоришгарони Бонки ҷаҳонӣ мегӯянд, рушди иқтисоди Тоҷикистон дар 16 моҳи ахир беш аз 8% тавсеа ёфтааст.

Баррасии ҳамкориҳои Тоҷикистон ва Иттиҳоди Аврупо

Мақомоти боломақоми Тоҷикистон ва Иттиҳоди Аврупо дар бораи ҳамкориҳои дирӯз ва имрӯзи худ гуфтугӯ карданд.

Шикояти мардум аз беобӣ дар Тоҷикистон

Бархе сокинони шаҳри Бохтар, маркази вилояти Хатлон мегӯянд, ки чор моҳ боз мардум аз беобӣ азият мекашанд ва касе дар вилоят ба доди онҳо намерасад.