22.9 C
Dushanbe

Кореяи Ҷанубӣ дар Душанбе метро месозад

Мутахассисони Кореяи Ҷанубӣ дар Тоҷикистон метро месозанд. Аммо кай сохтмони он оғоз мешавад ва коргарон аз кадом кишвар ба сохтани он ҷалб мешаванд, маълум нест.

Тавре Вазорати рушди иқтисод ва савдои Тоҷикистон хабар дод, рӯзҳои 17-19 октябри соли 2022 вазири ин ниҳод Завқизода Завқӣ Амин ҳамчун раиси ҳайати расмии кишвар бо намояндагони боломақомои иқтисодӣ ва тиҷоратии Кореяи Ҷанубӣ мулоқот анҷом дод.

“Вазири рушди иқтисод ва савдо, ҳамраиси қисми Тоҷикистони комиссияи байниҳукуматӣ оид ба ҳамкориҳои тиҷоратию иқтисодӣ байни Ҷумҳурии Тоҷикистон ва Ҷумҳурии Кореяи Ҷанубӣ Завқизода Завқӣ Амин дар ҳошияи ҷаласаи Комиссияи байниҳукуматӣ бо Президенти Агентии Корея оид ба ҳамкориҳои байналмилалӣ (KOICA) Cон Ҳюк-Санг, Президенти Агентии пешбурди савдою сармоягузории Кореяи Ҷанубӣ (KOTRA) Ю Ҷонг Йол, Роҳбари кумитаи махсуси Ассамблеяи миллии Кореяи Ҷанубӣ Сух Бюнгсу, роҳбарияти бонки содиротию воридотӣ (EXIMBANK), Вазорати савдо, саноат ва энергетика ва ширкати роҳи оҳани миллӣ, инчунин корхонаҳои истеҳсоли мошинҳои электрикӣ, нассоҷӣ, панелҳои офтобӣ, истихроҷи маъдан, рақамикунонии иқтисодиёт, сохтмони IT Park, моҳипарварӣ, сайёҳӣ ва муҳоҷирати меҳнатӣ вохӯриҳо баргузор намуд.”, омадааст дар хабари вазорат.

Гуфа мешавад, дар вохӯрӣ ҳайати Тоҷикистон аз ҳайтаи Кореяи Ҷанубӣ дархост кардаанд, ки барои рушди иҷтисоди Тоҷикистон маблағгузориҳоро “ба таври назаррас зиёд карда, барои татбиқи лоиҳаҳо дар самтҳои афзалтиятноки иқтисоди миллӣ ба монанди саноат, энергетика, нақлиёт, тандурустӣ, кишоварзӣ, иқтисоди рақамӣ, тағйирёбии иқлим, сайёҳӣ, муҳоҷирати меҳнатӣ ва омода намудани мутахассисони кишвар дар донишгоҳҳои Кореяи Ҷанубӣ мусоидат намоянд.”

Ба иттилои манбаъ, дар ин вохӯрӣ ҳамчунин масъалаи бунёди метро дар шаҳри Душанбе матраҳ гардида ва аз ҳайати Кореяи Ҷанубӣ хоста шуда, ки “рӯзи оғози гузаронидани асосноккунии техникию иқтисодии ин лоиҳа аз ду соли пешнибинигардида то ба як сол кӯтоҳ карда шавад.”

Дар назар аст, Кореяи Ҷанубӣ дар лоиҳаҳои сохтмони қитъаи роҳи оҳани Ҷалолиддини Балхӣ-Панҷи поён ва қитъаи роҳи оҳан аз хати роҳи оҳани Кӯлоб то минтақаи озоди иқтисодии Кӯлоб маблағгузорӣ кунанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Раҳмон ба Итолиё меравад?

Вазорати корҳои хориҷӣ ва ҳамкории байналмилалии Итолиё дар якҷоягӣ бо Оҷонсии савдои ин кишвар (ICE) дар бораи Тоҷикистон нишаст баргузор мекунанд.

Ихроҷи 600 муҳоҷири кории тоҷик аз Корея

Дар давоми камтар аз як моҳи ахир мақомоти Кореяи Ҷанубӣ беш аз 600 муҳоҷири кории шаҳрвнадони Тоҷикистонро аз ин кишвар ихроҷ кардаанд.

Сафари Шавкат Мирзиёев ба Душанбе

Раисҷумҳури Узбекистон Шавкат Мирзиёев рӯзи 18-уми апрели соли ҷорӣ бо сафари расмӣ вориди пойтахти Тоҷикистон шаҳри Душанбе шуд.

Тахриби масҷид дар Маскав

Мақомоти дахлдлори Русия дар шаҳри Троитски вилояти Маскав масҷиди Абӯбакрро пурра тахриб карданд.