35.9 C
Dushanbe

Дар Русия 50 муҳоҷири тоҷикро ОМОН лату кӯб кард

Акс аз ВЕСТИ RU

Субҳи 9 сентябр зиёда аз 50 муҳоҷири тоҷикро дар ноҳияи Шербинкаи вилояти Маскав шахсоне, ки ба гуфтаи онҳо “дар тан либоси кормандони дастаи зудамал ё ОМОН-и Русия дошта”, лату кӯб намудаанд.

Дар шабакаҳои иҷтимоӣ наворҳои лаҳзаи лату кӯб шудани муҳоҷирони тоҷик нашр шуд, ки дида мешавад, афроди ниқобпӯш муҳоҷиронро аз бинои баландошёна ба саҳни он берун карда, бо чӯбдаст дар пой ва пушти ду муҳоҷир мезананд.

Шӯъбаи пулиси ноҳияи Шербинкаи Маскав гуфтааст, аз ин ҳодиса хабар надорад ва аз муҳоҷирон ҳам дар ин бора шикояте дарёфт накардааст.

Насим Ҷобиров, яке аз муҳоҷироне, ки дар он хобгоҳ будааст, рӯзи 15-уми сентябр ба Радиои Озодӣ гуфт:

“Соати 5-и субҳи 9-уми сентябр гурӯҳи низомипӯшон вориди хобгоҳ шудаанд, ҳар нафаре, ки сабаби ворид гардидани онҳоро пурсид, лату кӯб кардаанд”.

Ба гуфтаи ӯ, “ҳар касе хоб буд ё бедор, заданд ва фармон доданд, ки ба берун бароем.”

Ба гуфтаи муҳоҷирон, баъдан маълум гардидааст, ки ворид шудани нерӯҳои ОМОН ба хобгоҳи муҳоҷирон барои ҷустуҷӯи маводи мухаддир будааст, баъд аз он ки чизе пайдо нашудааст, муҳоҷиронро раҳо кардаанд.

Як муҳоҷири дигар бо номи Шариф гуфтааст:

“Ягон муҳоҷирро ба ҷое набурданд. Аз саҳни ҳавлӣ ҳамаро раҳо карданд, вале бисёриҳо баргаштанд, ки пулҳояшон аз ҷойи хоб гум шудааст”.

Дар Шӯъбаи навбатдории пулиси ноҳияи Шербинкаи Маскав ба Радиои Озодӣ гуфтаанд, аз ҳодиса хабар надоранд ва касе ҳам барои таҳқиқ ба онҳо муроҷиат накардааст.

“Агар муроҷиат шавад, ҳатман санҷида мешавад. Мо ягон навори лату кӯбро ҳам надидаем”,- гуфтаанд дар Шӯъбаи пулис.

Дар баробари ин низ сафорати Тоҷикистон дар Русия аз ин ҳодиса изҳори бехабарӣ кардааст.

Видео аз Радиои Озодӣ

Муҳоҷирон гуфтаанд, аз тарси боздошту ихроҷ шудан ба ҳеч ҷой шикоят накардаанд. Ба гуфтаи онҳо ба ҷое шикоят бурдан дар ҳар сурат боз як дарди сари зиёдатӣ ба сарашон бор мешавад.

Ҳолатҳои лату кӯб ва озори муҳоҷирон аз ҷониби пулиси Русия борҳо дар расонаҳо нашр мешавад, вале аз ҷониби мақомоти тоҷик ҳамеша хомӯшиву худбехабарӣ садо медиҳад.

Ба гуфтаи коршиносон дар Русия агар шаҳрванди дигар кишварҳо чунин мавриди озору азият қарор гиранд, Вазорати корҳои хориҷии он кишвар садо баланд мекунад ва ҳатто нотаи эътирозӣ равона мекунад.

Ба гуфтаи ин коршиносон сабаби хомӯшии мақомоти тоҷик ин вобаста будан ба сиёсатҳои Русия аст, ҳамчунин метарсанд, ки айбҳову сирҳояшонро Русия ифшо накунад, ё боз ҳамон мисли боздошти писари собиқ раиси роҳи Тоҷикистон Амонулло Ҳукумов иттифоқ наафтад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Мулоқоти сафири Тоҷикистон бо Додситони кулли Туркия

Ашрафҷон Гулов, домоди Эмомалӣ Раҳмон ва сафири Тоҷикистон дар Туркия, 8-уми июни соли ҷорӣ бо Додситони кулли Туркия Бекир Шоҳин мулоқот карда, ба густариши ҳамкориҳо таъкид кард.

Ифтитоҳи бузургтарин масҷиди Осиёи Марказӣ дар Тоҷикистон

Бузургтарин масҷиди Осиёи Марказӣ бо ҳузури Амири давлати Қатар Шайх Тамим ибни Ҳамад Оли Сонӣ ва Эмомалӣ Раҳмон, Президенти Тоҷикистон дар шаҳри Душанбе мавриди баҳрабардорӣ қарор гирифт.

Имзои 15 санади ҳамкорӣ байни Тоҷикистон ва Қатар

Маросими имзои 15 санади ҳамкорӣ байни Тоҷикистон ва Қатар бо ҳузури сарони ду кишвар дар шаҳри Душанбе баргузор шуд.

Идомаи боздошти муҳоҷирони тоҷик дар Русия

Нерӯҳои интизомии Федератсияи Русия субҳи имрӯз, 8-уми июн беш аз 27 муҳоҷири тоҷикро аз сохтмоне дар шаҳраки Котелникии вилояти Маскав боздошт карда, ба шуъбаи пулис бурдаанд.