28.9 C
Dushanbe

Дар Тоҷикистон аз ин ба баъд партовҳо коркард мешаванд?

Дар Тоҷикистон аз партови пластика ва сӯхтаҳои ангишт бензину газ, сӯзишвории дизелӣ, оҳан ва нурӣ истеҳсол мекунанд.

Кормандони Пажӯҳишгоҳи илмӣ-тадқиқотии саноати назди Вазорати саноат ва технологияҳои нави Тоҷикистон таҷҳизотеро барои коркарди партов аз ангишт ва пластикро омода кардаанд.

Директори Пажуҳишгоҳ Маъруф Баҳромов ба “Азия-Плюс” гуфтааст, алҳол маҳсулот талаботи худи пажуҳишгоҳро қонеъ месозад. Барои татбиқи лоиҳа дар миқёси саноатӣ дастгирии давлат ва тиҷорати бузург зарур аст. Технологияи мазкур бензину газ, сӯзишвории дизелӣ, кокс, оҳан ва ғайраро истеҳсол мекунад”.

Ардашер Шерзодов, корманди Пажӯҳишгоҳ гуфтааст:

“Ин технологияи нав набуда, кайҳо инҷониб дар кишварҳои пешрафта истифода мешавад. Дар Тоҷикистон бошад, он комилан нав аст. Бо назардошти айни замон зиёд шудани ҳаҷми партовҳо аз пластик ва боқимондаҳои ангишт, технологияи аз ҷониби мо таҳияшуда барои тозагии экология нафъи зиёд дошта, барои касоне, ки коркарди ашёи хоми дуюмдараҷаро дар миқёси саноатӣ ба роҳ мемонанд, фоидаи зиёд меорад”.

Масъулони Пажӯҳишгоҳи саноат мегӯянд, аз 500 кило боқимондаи ангишт бо иловаи як миқдор маводи кимиёвӣ метавон 1 250 метри мукааб газ, 20 литр бензин, 10 литр сӯзишвории дизелӣ, 350 кило кокс, 60 кило оҳан ва 150 кило нуриҳо барои истифода дар бахши кишоварзӣ истеҳсол намуд.

Ба гуфтаи мутахасисон технология 370 ҳазор сомонӣ арзиши дошта, ба роҳандозии истеҳсолот 8 маротиба дар як моҳ бо назардошти музди меҳнат, ҳамагӣ дар зарфи 9 моҳ хароҷоти сарфшударо ҷуброн мекунад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Гурӯҳе аз имомони мусалмони кишварҳои ғарбӣ ба Исроил сафар карданд

Субҳи 7-уми июл, Президенти Исроил Исаак Ҳерсог дар қароргоҳаш бо як гурӯҳ аз имомон ва намояндагони ҷомеаҳои мусалмонӣ аз Фаронса, Белгия, Нидерланд, Италия ва Британияи Кабир дидору гуфтугӯ намудааст.

Амрико гурӯҳи “Ҳайат Таҳрир аш-Шом”-ро аз листи террористон хориҷ кард

Иёлоти Муттаҳидаи Амрико гурӯҳи “Ҳайат Таҳрир аш-Шом”-ро, расман аз феҳристи созмонҳои террористӣ хориҷ кард.

Содир Ҷабборов ба Тоҷикистон омад

8-уми июли соли 2025 Президенти Қирғизистон Содир Ҷабборов бо даъвати раисҷумҳури худкомаи Тоҷикистон Эмомалӣ Раҳмон ба Душанбе омад.

Дар Маскав беш аз 500 муҳоҷирро ба шуъбаҳои пулис бурдаанд

Мақомоти Русия дар шаҳри Маскав барои ошкор кардани роҳҳои муҳоҷирати ғайриқонунӣ "рейд" гузарондааст.