14.9 C
Dushanbe

Дар Тоҷикистон нархи озуқаворӣ боз боло рафт

Сокинон ва фурӯшандаҳои бозорҳои шаҳри Душанбе аз болоравии нархи маҳсулоти ниёзи аввал нигаронӣ доранд. Соҳибкорон омили боло рафтани нархи маҳслотро ба болороавии доллар рабт медиҳанд. Мақомоти Тоҷикистон, гуфтаанд, масъалаи боло рафтани нархи маҳсулотро назорат доранд, рӯзҳои наздик назари худро ироа хоҳанд кард.

Сокинони шаҳри Душанбе тайи як моҳи охир аз боло рафтани  нархи орд, равған, тухм, гушт, шакар ва дигар маводи ниёзи аввал нигаронӣ мекунанд. Ба гуфтаи онҳо як моҳ боз арзиши ин маҳсулот кам кам боло меравад, фурӯшандаҳо низ ин ҳолатро тасдиқ кардаанд.

Як фурӯшанда дар яке аз мағозаҳои шаҳри Душанбе ба шарти бурда нашудани номаш ба “Sputnik” гуфттааст:

“ ба таври мисол, нархи як халтаи навъҳои гуногуни орд ҳоло аз 235 то 245 сомонӣ арзиш дорад ва аз як моҳи қабл 10 сомонӣ фарқ мекунад, як бушкаи 5 – литраи равғани писта аз навъи “Олейна”, ки қаблан 68 сомонӣ арзиш дошт, ҳоло ба 75 сомонӣ ё ба ҳамин миқдор равғани пахта аз 59-60 сомонии қабл ба 65 – 70 сомонӣ баробар шудааст, як дона тухм ҳамин як ҳафтаи қабл 80 – 90 дирам буд, ҳоло 1 сомонии расо аст. Як кило шакар ҳам ки як ҳафтаи қабл 8 сомонӣ арзиш дошт, ҳоло 50 дирам гарон шудааст”.

Болоравии арзиши маводи ниёзи аввал дар дигар шаҳру ноҳияҳои Тоҷикистон низ ба чашм мехӯрад. Тоҷирону харидорони дигар манотиқ низ аз гаронии арзиши маводи аввалия нигаронӣ кардаанд.

Дар ҳамин ҳол аз Вазорати рушди иқтисод ва савдои Тоҷикистон ба “Sputnik” гуфтанд, ки вазъи нарху навои кишварро мавриди омӯзиши ҷиддӣ қарор додаанд ва рӯзҳои наздик хулосаҳои худро ироа хоҳанд кард.

Як соҳибкори дигар ба шарти бурда нашудани номаш гуфтааст:

“Азбаски ин намуди маводи ғизоӣ аз хориҷи кишвар ворид мешавад, харидуфурӯши он низ ба доллар – пули байнулмилалӣ сурат мегирад. Қурби доллар, ки боло рафт, ба таври худкор таъсири худро ба қиматҳо мерасонад”.

Бонки миллии Тоҷикистон, дар ҳоли ҳозир 1 доллари амрикоиро баробар бо 10 сомониву 33 дирам муайян кардаст.

Ба иттилои бонки милли Тоҷикистон қурби доллар тайи як моҳи ахир ҷаҳиши хеле ночиз ба ҳадди 2 дирам доштааст. Аммо дар “бозори сиёҳ” қурби доллар аз қурби расмӣ ба таври назаррас фарқ мекунад. Соҳибкорон ҳам борҳо шикоят карда буданд, ки дар бонкҳо ба қурби расмие, ки Бонки миллӣ муайян кардааст доллари кофӣ наметавонанд ба даст оранд. Ҳоло дар бозори сиёҳ 1 доллар баробари 11 сомонӣ ва бештар аз он арзиш дорад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Тоҷикистон шомили кишварҳои олудатарини ҷаҳон шуд

Созмони швейтсариягии IQAir, ки сифатнокии ҳаворо дар кишварҳои ҷаҳон таҳқиқ мекунад, дар гузориши тозааш Тоҷикистонро шомили кишварҳои олудатарини дунё кардааст.

Шикояти муҳоҷирони тоҷик дар Русия аз боздошту шиканҷа

Пас аз ҳодисаи ҳамла ба бинои "Крокус Сити Ҳолл" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Ҳабси пешакии гумонбарон дар ҳамлаи хунини Русия

Пас аз ҳодисаи ҳамла ба бинои "Крокус Сити Ҳоле" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Баррасии ҳамкориҳои Тоҷикистону Туркия

Мақомоти баландпояи Тоҷикистон ва Туркия дар бораи ҳамкориҳои худ ва аз он ҷумла дар бораи масоили амниятӣ суҳбат карданд.