31.9 C
Dushanbe

Дар вилояти Суғд давоми як сол 107 корхона таъсис ёфтааст

Бино ба иттилои сомонаи “Азия – Плюс” дар вилояти Суғд дар соли гузашта 107 корхонаву коргоҳҳои нав таъсис ёфта 1570 нафар бо кор таъмин шудааст, аммо дар ин давра дар вилоят 26 корхона низ аз кор монда ва 238 нафар аз ҷойи кори доимӣ маҳрум шудаанд.

Ҳамчунин гуфта мешавад, ки 17 корхонаи дигари вилоят, ки бештар аз 900 корманд доранд тақрибан ду сол мешавад, ки фаъолият намекунанд ва ё дар ҳоли барҳамхӯрӣ қарор доранд.

Бино ба иттилои манбаи “Азия-Плюс” ин корхонаҳо бо сабаби рақобатпазир набудан дар бозор, набудани фармоишгар ва талабот ба маҳсулоти онҳо, ҳамчунин қарздорӣ аз андозу бонк зиёда аз 2 сол мешавад, ки фаъолият намекунанд.

Гуфта мешавад, дар Мастчоҳ ҶСК “Ҳасан Абдулов” ки ба коркарди нахи пахта машғул буд,  бо сабаби қарздории андоз аз соли 2018-ум ин ҷониб кор намекунад.

Ё фаъолияти ҶСП “Дорис”, ки ба истеҳсоли равғани растанӣ дар ноҳияи Мастчоҳ сару кор дошт, бо ҳамин сабаб аз соли 2017-ум ин ҷониб аз фаъолият бозмондааст.

ҶСК “Комбинати маъдантозакунии Адрасмон”, дар шаҳри Гулистон, ки консертрати сурб ва нуқра истихроҷ мекунад, бо сабаби дар бозори ҷаҳонӣ паст рафтани нархи маҳсулот аз соли 2013 ба ин сӯй кор намекунад.

Ҳоло ҳукуматдорони вилоят талош мекунанд, ки ин корхонаро, ки беш аз 500 корманд дошт, фаъол гардонанд, гуфтааст корманди Ҳукумат.

Гуфта мешавад корхонаҳое, ки барҳам хӯрдаанд, асосан дар шаҳру ноҳияҳои  Мастчоҳ (3 корхона), Конибодом (4), Спитамен (3), Хуҷанд (2), Деваштич (2),  Гулистон (1) ва ноҳияи Ғафуров (2) будаанд.

Тибқи маълумоти Вазорати саноат ва технологияҳои нав дар ҷумҳурӣ наздики 2,3 ҳазор  корхонаи саноатӣ мавҷуданд, ки наздик ба 700-тои он дар вилояти Суғд қарор доранд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Боз беш аз 150 муҳоҷири тоҷик боздошт шуд

Нерӯҳои интизомии Федератсияи Русия субҳи рӯзи 30-уми майи соли ҷорӣ беш аз 150 муҳоҷири тоҷикро дар назди метрои Митинои Маскав боздошт карда, ба шуъбаи пулис бурданд.

Афзоиши ҳолатҳои қаллобӣ дар Тоҷикистон

Вазорати корҳои дохилаи Тоҷикистон рӯзи 30-уми майи соли ҷорӣ аз боздошти нафаре хабар дод, ки дар қаллобӣ ва азхудкунии пулҳои мардум бо роҳи фиреб муттаҳам мешавад.

Ҳушдори Белорус ба Ғарб: Хатти сурхро убур накунед!

Як мақомдори баландпояи низомии Белорус пас аз ҷобаҷакунии силоҳҳои ҳастаии Русия дар хоки ин кишвар ба Ғарб ҳушдор дод, ки хатти сурхро убуб накунанд.

Идомаи “рейд”-и муҳоҷирон дар Русия

Ҳафтаи дуюм аст, ки дар шаҳру ноҳияҳои Федератсияи Русия...