Афғонистон

Фаврӣ! Даргирӣ байни Толибони узбеку паштун

Дар шаҳри Майманаи вилояти Фориёби Афғонистон мардум ва ҳаводорони Махдум Олим, яке аз фармондеҳони узбектабори ин шаҳр бар зидди Толибон қиём карданд.

Акси марбут

Нақибулло Фоиқ, волии пешини Фориёб ба "Афғонистон интернешнал" гуфтааст, ки тамоми шаҳр дар контроли узбектаборон даромада ва Толибони паштун халъи салоҳ шудаанд.

Ин даргирӣ баъд аз боздошти Махдум Олим дар шаҳри Мазори Шарифи Афғонистон рух додааст. Махдум Олим худ яке аз фармондеҳони машҳури узбектабори Толибон аст, ки боздошташ эътирози узбектаборонро дар пай дошт ва мунҷар ба шӯриши онҳо дар шаҳри Маймана гардидааст.

Дар наворҳе, ки дар шабакаҳои иҷтимоӣ нашр шудааст, дида мешавад, ки мардуми маҳал бо забони узбекӣ суҳбат мекунанд ва идао доранд, ки шаҳр дар ихтиёри онҳост ва парчами Толибон низ поин оварда шуда, дар ивазаш парчами Афғонистон бардошта шудааст.

Дар 5 моҳи ахире, ки Толибон дар Афғонистон қудратро дар даст доранд, ин аввалин шӯриши мардумӣ дар яке аз шаҳрҳои Афғонистон дар баробари Толибон мебошад, ки муваффақ ба тасфияи шаҳр аз Толибон гаштаанд.

Дар ҳамин ҳол Амруллоҳ Солеҳ, собиқ муовини раисҷумҳури Афғонистон эътирози мардум дар Форёб алайҳи Толибонро табрик гуфт ва барои мардуми ин вилоят орзуи муваффақият кард.

Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp, Viber ва Imo ба ин рақам:

Матолиби дигари Афғонистон

Афғонистон

Толибон: Дер ё зуд мо чархболҳои худро бармегардонем

Афғонистон

Пентагон: Чархболҳои Афғонистон ба Толибон таҳвил дода намешавад

Афғонистон

Ҳалокати беш аз 20 нафар бар асари зилзила дар Афғонистон

Афғонистон

Интиқоди тунди имомхатиби масҷиди марказии Тахор аз Толибон