18.9 C
Dushanbe

Дархости 30 соли зиндон ба Фаромуз Иргашев

Эмомалӣ Раҳмон қасд дорад ҷавонтарин рақиби худро, ки қасди номзад шудан ба мақоми президентиро дошт, баробар ба умри ҳукуматаш ба зиндон фиристад.

Бино ба иттилои Радиои Озодӣ, ҳафтаи гузашта айбдоркунандаи давлатӣ дар додгоҳ аз судия хостааст, ки Фаромуз Иргашев, ҳуқуқшинос ва собиқ довталаби номзад ба мақоми риёсати ҷумҳуриро ба муҳлати 30 сол аз озодӣ маҳрум кунад. Аммо мақомоти Тоҷикистон то ҳол дар ин бора шарҳу тафсиле ироа накардаанд.

Фаромуз Иргашев, фаъоли ҷомеаи маданӣ ва узви “Комиссияи 44″ дар Вилояти Мухтори Кӯҳистон Бадахшон” буд, ки ба хотири миёнҷигарӣ байни мардум ва мақомот ва пешгирӣ аз хунрезиҳои оммавӣ дар шаҳри Хоруғ кор мекарданд.

“Комиссияи 44” тобистони соли ҷорӣ фаъолияташро қатъ кард, вале баъдтар бо иттиҳоми даст доштан дар беназмиҳои Хоруғ қариб тамоми аъзои он зери пайгарди қонунӣ қарор гирифта, мавриди боздошту бозпурсиҳо қарор гирифта ва сипас қисме аз онҳо ба муддатҳои тӯлонӣ равонаи зиндон шуданд.

Гуфта мешавад, Фаромуз Иргашев, нахустин нафаре нест, ки ба сурати ҷиддӣ дар Тоҷикистон қасди номзад шудан ба мақоми президентиро карда бошаду сипас балоҳое ба сараш наоварда бошанд.

Аз ин пештар, соҳибкори шинохта Зайд Саидов, раҳбари Ҳизби сабти ном нашудаи “Тоҷикистони нав”, Муҳаммадрӯзӣ Искандаров, раҳбари Ҳизби демократи Тоҷикистон ҳам қасди ворид шудан ба сиёсати калонро доштанд, боздошт ва ба муддатҳои тӯлонӣ равонаи зиндон гардида буданд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Боздошти беш аз 20 нафар дар парвандаи ҳамла ба Крокус

Дар пайи ҳамлаи хунин ба “Крокус Сити Ҳолл”-и Красногорски...

Нақшаи даъвати баҳории сарбозон пурра иҷро шуд

Вазорати мудофиаи Тоҷикистон хабар дод, ки нақшаи даъвати баҳории ҷалби сарбозон ба Артиш дар кишвар рӯзи 22-уми майи соли ҷорӣ 100% иҷро шуд.

Мақомот мехоҳанд бародари як мухолифи тоҷикро аз хонааш берун кунанд

Мақомоти ноҳияи Зафаробод мехоҳанд замини як мухолифи тоҷик Салим Султонзодаро, ки дар он бародараш хона сохтаасту зиндагӣ мекунад, мусодира кунад.

Мақомот: Занҳо сатр напӯшанду мардҳо ришу мӯйи баланд нагузоранд!

Мақомоти амниятӣ ва интизомии кишвар дар кӯчаву бозорҳо "рейд" гузаронида, масъалаи пешгирӣ аз "либоси ба фарҳанги тоҷикон бегона"-ро сахт гирифтаанд.