Дар масҷиди Красноярск марде бо болға дару тирезаҳо ва минбари онро шикаст.
Бино ба иттилои расонаҳои русӣ, Вареш Артсуняни 27-сола субҳи имрӯз, 24-уми июли соли ҷорӣ вориди масҷиде дар шаҳри Красноярск шуда, баромадгоҳи изтирориро бо тахта маҳкам кардааст. Сипас бо болға ба задани дару тирезаҳо, гулҳо ва минбари масҷид шурӯъ карда, ҳамаро шикастааст.
Онҳое, ки дар он вақт дар масҷид буданд, кӯшиш карданд, ки ӯро боздоранд, аммо ин мард дар посух ба пирамарде ҳамла карданӣ шудааст. Гуфта мешавад, дар ин амали тахрибкоронаи ин марди 27-сола дар дохили масҷид касе осеб надидааст.
Ин мардро кормандони масҷид боздошта, ба пулис супурдаанд. бино ба иттилои мақомоти тафтишотӣ, Арсунян қаблан барои ғоратгарӣ маҳкум шуда, дар сабти номи беморхонаи бемориҳои рӯҳӣ будааст.
