19.9 C
Dushanbe

Даст ба худкушӣ задану мансаб гирифтани Худоёрзода

Худоёр Худоёрзода, собиқ вазири нақлиёт муовини раиси намояндагии ширкати IRS тайъин гардид. Дар ин бора сомонаи ин ширкат хабар дод. Бино ба навиштаи ин сомона Худоёрзода масъулияти нигоҳдории роҳҳоро бар уҳда дорад.

Муовини раиси намояндагии ширкати IRS таъин шудани Худоёрзода дар ҳолест, ки замони вазири нақлиёт буданаш ӯ аз кори ин ширкат танқид карда гуфта буд, ки “аз бемасъулиятии кормандони ширкат дар роҳи Душанбе-Хуҷанд танбашавӣ ба вуҷуд меояд ва мошинҳо то ду-се соат дар навбат меистанд”.

Вале баъд аз гуфта шудани ин суханҳояш Худоёрзода дар як нишасти хабарии дигар, ки баъд аз 3 моҳ доир шуда буд ин ширкатро ситоиш карда гуфт “агар ин роҳ пулакӣ намешуд, нигоҳдории онро дар сатҳе, ки ҳоло ҳаст, наметавонистем иҷро кунем.”

Ёдовар мешавем, ки субҳи 11-уми август Худоёр Худоёрзода бо ду захми корд дар бадан ба бемористони “Истиқлол” интиқол дода шуда буд. Мақомот он замон гуфта буданд, ки Худоёрзода даст ба худкушӣ задааст.

Худи ӯ дар ин бора ба расонаҳо шарҳ надод. Дар як суҳбат бо Радиои Озодӣ Худоёрзода гуфта буд, ки “мақомоти тафтишотӣ медонанд, аз онҳо пурсед”.
Баъд аз қасди худкушӣ Худоёрзода рӯзи 31 декабр бар асоси фармони президенти Тоҷикистон бо далели “расидан ба синни нафақа” аз вазифа барканор шуд.

Худоёр Худоёрзода дар гузашта вакили Маҷлиси вакилони халқи Вилояти Мухтори Кӯҳистони Бадахшон ва узви Маҷлиси Миллии Тоҷикистон буд. Дар солҳои 2013-2017 ба ҳайси раиси ноҳияи Рӯшони вилояти Бадахшон кор кардааст. Аз моҳи январи соли 2017 то 2020 вазири нақлиёти Тоҷикистон буд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Манъи ҳиҷоб дар мактабу беморҳохонаҳо

Мақомоти тоҷик пас аз қабули тарҳи нави қонун “Дар бораи танзими ҷашну маросим” дар мактабу бемористонҳо "рейд" гузаронда, ҳиҷоби занҳоро зӯран мекашанд.

Сарвазирро кӣ ва чаро парронд?

Рӯзи чоршанбе, 4-уми май пас аз як нишасти давлатӣ, ба ҷони Сарвазири Словакия Роберт Фитсо сӯиқасд сурат гирифта, ӯ ба бемористон мунтақил шуд.

Тамдиди муҳлати ҳабси гумонбарони ҳамла ба Крокус

Додгоҳе дар Русия муҳлати ҳабси чор зодаи Тоҷикистонро, ки дар дар ҳамлаи хунин ба “Крокус Сити Ҳолл” гумонбар мебошанд, барои 3 моҳи дигар дароз кард.

“Идгардак”-у пешвози ҳоҷиён ва “либосҳои ба фарҳанги миллӣ бегона” манъ шуд

Дар Тоҷикистон "идгардак"-и кӯдаконро дар рӯзҳои Иди Рамазон ва Қурбонро манъ карданд.