13.9 C
Dushanbe

Дастури Раҳмон барои баланд бардоштани ҳуқуқи маъюбону донишҷӯён

Эмомалӣ Раҳмон зимни Паёми дирӯзаи худ ба Парлумон гуфт, ки аз моҳи сентбяри соли 2021 ҳаҷми стипендияи донишҷӯён 30 %, нафақаи маъюбони хурдсол 20 % ва маъюбони гурӯҳи якум 50 % зиёд карда мешавад.

Ин дастур дар ҳолест, ки Тоҷикистон ба буҳрони иқтисодӣ гирифтор буда, то ҳол бахше аз корхонаҳои давлатӣ маоши кормандонашонро бо таъхир пардохт мекунанд.

Тибқи фармони қаблии раисҷумҳур мебоист аз моҳи сентябри соли 2020 15 % нафақа ва маоши кормандони давлатӣ зиёд карда мешуд, ки чанде пеш чандин нафар нафақагирон ба расонаҳо шикоят намуда буданд, ки то ҳол  ба нафақаашон чизе илова нашудааст.

Бино ба иттилои Оҷонсии суғуртаи иҷтимоӣ ва нафақаи Тоҷикистон, ҳаҷми миёнаи нафақаҳои суғуртавӣ, ки аз он маъюбон бархурдоранд, 289 сомониву 67 дирамро дар бар мегирад.

Ҳамчунин дастури боло бурдани нафақаҳо ва он ҳам барои маъюбон дар ҳолест, ки таварруми сомонӣ дар соли равон назар ба солҳои қаблӣ хеле баланд буд ва то поёни соли 2020 ба 9,4 % расид. Солҳои қаблӣ мизони таварруми сомонӣ дар сатҳи 6-7 дарсад қарор мегирифт. Аз ин рӯ, қисме аз болоравии нафақаҳоро таваррум ва гарон шудани нархи маводи хӯрокворӣ фурӯ мебарад.

Коршиносони соҳа бар ин назаранд, ки ваъдаи зиёд намудани маоши соҳаҳои буҷавӣ як навъ дилгармкунӣ ва умедвор кардани мардум аст, ки то андаке ҳам бошад хомӯш бошанд.

Соли гузашта аз афзоиши 15 % маоши мардум хабар дода буд, – дар ҳоле, ки пурра иҷро нашуд – вале нарху наво дар бозорҳо аз 25 то 30 % ва аз он ҳам бештар афзоиш ёфт.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Оғози сафари Раҳмонов ба Италия

Эмомалӣ Раҳмон, раисҷумҳури худкомаи Тоҷикистон имрӯз, 22-уми апрел ба Италия ва Ватикан сафар кард.

Тоҷикистону Британия муҳоҷирати корӣ ва парвозҳои мустақимро баррасӣ каданд

Вазири корҳои хориҷии Британияи Кабир Дэвид Кэмерон 22-уми апрели соли ҷорӣ дар Душанбе бо раисҷумҳури Тоҷикистон Эмомалӣ Раҳмон мулоқот кард.

Замон ва макони сафари Эмомалӣ Раҳмон ба Аврупо маълум шуд

Сомонаи расмии Ҳукумати Италия бо нашри хабари кӯтоҳе аз мулоқоти сарвазири Итолиё бо Президенти Тоҷикистон Эмомалӣ Раҳмон дар Рум иттилоъ додааст.

Тоҷикистон дар се моҳи соли ҷорӣ беш аз $7млн барқ фурӯхт

Тоҷикистон дар давоми се моҳи соли ҷорӣ ҳудуди 7,2 миллион доллар ба кишварҳои ҳамсоя барқ фурӯхтааст.