22.9 C
Dushanbe

Даъвати Шаҳбоз Шариф ба Тоҷикистон

Шаҳбоз Шариф, Нахсутвазири ҷадиди Покистон бо даъвати расмии президент ба Тоҷикистон меояд.

Бино ба иттилои расмӣ, Президенти Тоҷикитсон Эмомалӣ Раҳмон бо Нахуствазири ҷадиди Покистон Шаҳбоз Шариф телефонӣ суҳбат кардааст.

Пеш аз ин, 4-уми марти моҳи ҷорӣ Эмомалӣ Раҳмон бо ирсоли як барқияи табрикӣ гуфта буд, ки “Тоҷикистон ва Покистонро анъанаҳои деринаи робитаҳои дӯстӣ, ҳамдигарфаҳмӣ ва эҳтирому эътимод ба якдигар ба ҳам мепайванданд.”

Имрӯз ҳам зимни суҳбати телефонӣ, Эмомалӣ Раҳмон ба “аҳаммияти хоссаи идомаи муколамаи байнидавлатии ду кишвар” таъкид карда, аз Шаҳбоз Шариф, хоста, ки ба Тоҷикистон сафар дошта бошад.

Гуфта мешавад, 3-уми марти соли 2024, Маҷлиси миллии Покиситон (парлумон) пас аз раъйгирии вакилон эълон кард, ки Шаҳбоз Шариф, бародари Муҳаммад Навоз Шариф бо касби 201 раъй нахуствазири ҷадиди ин кишвар интихоб шудааст. Вай дирӯз дар назди вакилони Маҷлиси миллии Покиситон (парлумон) савганди вафодорӣ ба Ватан ёд кард.

Интихоботи Маҷлиси миллии Покистон ва иёлатҳои он 8-уми феврали соли 2024 баргузор шуда буд. Дар ин интихобот бо вуҷуди он ки мақомоти ин кишвар Ҳизби таҳрики инсофи Покистон бо роҳбарии Имрон Хонро аз ширкат кардан дар он маҳрум карда буданд, вале номзадҳои он ба сурати мустақил вориди интихобот шуда, наздик ба 100 курсии парлумонро соҳиб гардиданд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Раҳмон ба Итолиё меравад?

Вазорати корҳои хориҷӣ ва ҳамкории байналмилалии Итолиё дар якҷоягӣ бо Оҷонсии савдои ин кишвар (ICE) дар бораи Тоҷикистон нишаст баргузор мекунанд.

Ихроҷи 600 муҳоҷири кории тоҷик аз Корея

Дар давоми камтар аз як моҳи ахир мақомоти Кореяи Ҷанубӣ беш аз 600 муҳоҷири кории шаҳрвнадони Тоҷикистонро аз ин кишвар ихроҷ кардаанд.

Сафари Шавкат Мирзиёев ба Душанбе

Раисҷумҳури Узбекистон Шавкат Мирзиёев рӯзи 18-уми апрели соли ҷорӣ бо сафари расмӣ вориди пойтахти Тоҷикистон шаҳри Душанбе шуд.

Тахриби масҷид дар Маскав

Мақомоти дахлдлори Русия дар шаҳри Троитски вилояти Маскав масҷиди Абӯбакрро пурра тахриб карданд.