Дода шудани 23 гектар замин ба ширкати Avesto Group

Президенти Тоҷикистон Эмомалӣ Раҳмон қарори ҳукуматро дар бораи додани зиёда аз 23 гектар замин ба ширкати "Avesto Group" имзо кард. Дар ин бора портали ҳуқуқии Вазорати адлия хабар дод.

Гуфта мешавад замини ҷудошуда барои сохтмони як корхонаи нави паррандапарварӣ дар ноҳияи Данғараи вилояти Хатлон истифода мешавад.

Бо қарори ҳукумат, ширкат муваззаф шудааст, ки зарари хориҷ кардани ин заминҳоро аз гардиши кишоварзӣ пурра ҷуброн кунад ва ба буҷаи давлат 2,1 миллион сомонӣ (183,9 ҳазор доллар) пардохт кунад.

Қаблан вазири кишоварзии Тоҷикистон Сулаймон Зиезода гуфта буд, ки дар ду-се соли оянда ниёзҳои кишвар ба гӯшти парранда тавассути истеҳсоли ватанӣ пурра қонеъ карда мешаванд.

Бино ба маълумотҳои тасдиқ нагардида гуфта мешавад, ширкати "Avesto Group" ба Рустами Эмомалӣ Раиси Маҷлиси Олӣ ва Раиси шаҳри Душанбе таалуқ дорад.

Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp , Viber ва Imo ба ин рақам: +48519767404 бифиристед.