20.9 C
Dushanbe

Додгоҳе дар Қирғизистон шаҳрвандони Тоҷикистонро ҷарима баст

Додгоҳи шаҳри Қарокӯли Қирғизистон рӯзи 13 уми феврал 14 шаҳрванди Тоҷикистонро ҷарима баст. Дар ин бора Радиои Озодӣ хабар дод.

Гуфта мешавад, ин шаҳрвандони Тоҷикистон барои убури ғаёриқонунии сарҳад, 3000 доллар ҷарима шудаанд. Шаҳрвандони Тоҷикистон ин миқдор пулро бояд дар муддати 2 моҳ пардохт кунанд.

Ин шаҳрвандони Тоҷикистонро рӯзи 10-уми феврал сарҳадбонони қирғиз дар ноҳияи Лайлак боздошт карданд. Наздикони маҳкумшудаҳо мегӯянд, ки онҳо барои кор бо миёнаравии афроди ношинос ба корхонаи хиштрезие дар Бишкек рафтанӣ буданд ва намедонистанд, ки сафари беиҷоза ба Қирғизистон ғайриқонунӣ аст.

Абӯбакр Шодиев, консули Тоҷикистон дар Қирғизистон дар сӯҳбат ба Радиои Озодӣ гуфтааст, ки ин 14 нафарро бар асоси моддаи 346 Кодекси ҷиноии Қирғизистон ҷазо додаанд, ки аз ҷарима то ба се соли зиндонро пешбинӣ мекунад.

Ҳамчунин Сироҷиддин Муҳриддин, вазири корҳои хориҷии Тоҷикистон дар нишасти матбуотии рӯзи 15-уми феврал изҳори боварӣ намуда гуфт, ки 14 шаҳрванди Тоҷикистон, ки дар Қирғизистон боздошт шуданд, қазияи онҳо мусбат ҳал мешавад. Аммо наздикони ин афрод аз он нигаронанд, ки дар ин вазъият чӣ гуна 3000 доллар ҷамъоварӣ намуда ба Қирғизистон мефиристанд. Чун ин маблағ барои оилаҳои боздоштшудаҳо, ки аксарашон камбизоатанд, маблағи бузург аст.

Ёдовар мешавем, ки моҳи июли соли 2020 – 34 ҷавон аз деҳаҳои Бӯстон ва Ҳуснободи шаҳри Ҳисор барои убури ғаёриқонунии марз дар Қирғизистон боздошт шуда буданд. Ба гуфтаи ин ҷавонон онҳо аз ҷониби “як ширкати машҳур дар Тоҷикистон” барои ҷамъоварии шираи камол ба ноҳияи Лайлаки вилояти Бодканд равона шуда буданд. Ин 34 ҷавон баъд аз пардохти ҷарима озод шуда ба Тоҷикистон баргаштанд.

Инчунин, дирӯз 16-уми феврал аз боздошти боз 6 шаҳрванди Тоҷикистон дар Қирғизистон хабар дода шуд. Гуфта мешавад, ин шаҳрвандони Тоҷикистон ҳангоме боздошт шудаанд, ки гӯё халтаҳои селитраро ба мошинҳои боркаши дорои рақамҳои давлатии Тоҷикистон бор мекардаанд. То ҳол аз ин шаҳрвандони Тоҷикистон хабаре нест.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Боздошти беш аз 20 нафар дар парвандаи ҳамла ба Крокус

Дар пайи ҳамлаи хунин ба “Крокус Сити Ҳолл”-и Красногорски...

Нақшаи даъвати баҳории сарбозон пурра иҷро шуд

Вазорати мудофиаи Тоҷикистон хабар дод, ки нақшаи даъвати баҳории ҷалби сарбозон ба Артиш дар кишвар рӯзи 22-уми майи соли ҷорӣ 100% иҷро шуд.

Мақомот мехоҳанд бародари як мухолифи тоҷикро аз хонааш берун кунанд

Мақомоти ноҳияи Зафаробод мехоҳанд замини як мухолифи тоҷик Салим Султонзодаро, ки дар он бародараш хона сохтаасту зиндагӣ мекунад, мусодира кунад.

Мақомот: Занҳо сатр напӯшанду мардҳо ришу мӯйи баланд нагузоранд!

Мақомоти амниятӣ ва интизомии кишвар дар кӯчаву бозорҳо "рейд" гузаронида, масъалаи пешгирӣ аз "либоси ба фарҳанги тоҷикон бегона"-ро сахт гирифтаанд.