10.9 C
Dushanbe

Додситонии кулли Тоҷикистон иллати аслии чигуна шиддат гирифтани муноқиша дар марз бо Қирғизистонро шарҳ дод

Додситонии кулл гуфта, ки аввалин шуда шаҳрвандони Қирғизистон нисбати шаҳрвандони Тоҷикистон таҷовуз нишон доданд.

Бар асоси иттилои вазорат 29-уми апрел марзбонони Қирғизистон ҳамроҳ бо сокинони маҳаллӣ дар назди гузаргоҳи Хоҷа Аълои Исфара ҷамъ омадаанд, ки дар онҷо муҳандисони тоҷик камераҳои видеоии пешакӣ насбшударо назорат мекардаанд.

Намояндагони ҷониби Қирғизистон аз ҷумла низомиён бидуни пурсидани чизе ба сӯи шаҳрвандони Тоҷикистон сангандозиро оғоз карданд. Дар ҳоле сутунеро, ки яке аз муҳандисони тоҷик кор мекард буриданд, омада аст дар изхороти додситонии кулл.

Қайд карда мешавад, ки иғвогарӣ зуд ба ошӯб табдил ёфт. Кормандони ҳифзи ҳуқуқи Тоҷикистон ва шаҳрдори Исфара Баҳоваддин Баҳодурзода барои ҳалли низоъ омада буданд аз ҷониби Қирғизистон оташ кушоданд. Махз дар ҳамин тирандозӣ сарвари шаҳр маҷрӯҳ шуд, илова намуд додситонии кулл.

Пас аз он шаҳрвандони Қирғизистон ба аҳолии маҳаллӣ, инфрасохтор ва нуқтаҳои марзии Тоҷикистон ҳамлаи мусаллаҳона анҷом доданд, илова кард додситонӣ.

Додситонии кулли Тоҷикистон Дар  робита ба ҳамин қазия алайҳи 200 шаҳрванди Қирғизистон, ки дар марз муноқиша барпо карданд парвандаи ҷиноӣ боз карда аст.

Вазъ дар марз миёни Тоҷикистон ва Қирғизистон охири моҳи апрел шадидтар шуд. Муноқиша дар “Головной”, ки дар болооби дарёи Исфара ҷойгир аст вусъат ёфт. Бишкек итминон медихад, ки гиреҳ ба руйхати объектҳои муҳимми стратегии Қирғизистон дохил карда шуда аст. Душанбе қайд мекунад, ки он дар қаламрави Тоҷикистон ҷойгир аст.

Тибқи иттилои Кумитаи давлатии амнияти милли Тоҷикистон ҷинояткорон шаҳрвандони Қирғизистон будаанд, ки ин биноро ишғол карда сӯи тоҷиконе, ки мехостанд дар он сайт камераҳои назоратӣ насб кунанд санг андохтанд.

Бишкек дар навбати худ гуфт, ки шаҳрвандони Тоҷикистон муноқишаро ба роҳ монданд ва ба сӯи ҳамсояҳояшон аз силоҳ оташ кушоданд. То нисфирузии 29-уми апрел вазъ  дар марз аз назорат хориҷ шуд ва ба тирандозӣ байни марзбонони ҷумҳуриҳо табдил шуд.

Бо вучуди музокироти сатҳи олӣ, тирандозӣ дар ҷойҳои интихобшуда то 1 май идома ёфта, рӯзи якшанбе 2 май ҳайатҳои Тоҷикистон ва Қирғизистон протоколи муштарак дар бораи делимитатсия ва демаркатсияи марзро ба имзо расониданд.

Аз 3 майи соли равон вазъ дар марзи миёни ҷумҳуриҳо ором аст ва чонибҳо хуруҷи нерӯҳо ва техникаро ба ҷойхои истиқрори доимии худ баргардониданд. Бар асоси охирин маълумот, аз Точикистон 16 нафар кушта ва беш аз 110 нафар сокинон маҷрӯҳ гардидаанд.

Тибқи иттилои тасдиқ нашуда шумори кушташудагон ба 20 тан ва шумори захмишудаҳо ба 160 нафар мерасад. Бар асоси маълумоти Вазорати тандурустии Қирғизистон ҳангоми даргириҳои марзӣ 35 тан кушта ва 183 нафар маҷрӯҳ шудаанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Ихроҷи тоҷикон аз Кореяи Ҷанубӣ

Бино ба иттилои манобеи Azda tv, мақомоти Кореяи Ҷанубӣ дар ин чанд рӯзи ахир бархе аз муҳоҷирони тоҷикро боздошт ва аз ин кишвар ихроҷ кардаанд.

Ҷойивазкунии мақомдорон дар Тоҷикистон

Бо фармон ва қарорҳои нави Эмомалӣ Раҳмон чанд нафар аз як вазифа озод ва ба вазифа дигар таъйин шуданд.

Истирдоди як фаъоли тоҷик аз Лаҳистон ба Тоҷикистон

Мақомоти Лаҳистон ҳафтаи гузашта боз як фаъоли тоҷикро боздошт ва ба Тоҷикистон истирдод кардааст.

Чаро ҷавонон ифротгаро мешаванд?

Маънои луғавӣ ва истилоҳии ифротгароӣ Ифротгароӣ дар луғат ба маънои аз ҳад гузаштан, аз меъёр гузаштан ва зиёдаравӣ кардан аст (фарҳанги форсии Муин, фарҳанги форсии Амид). Калимаҳои мутародиф ва ё ҳаммаъно бо ифрот иғроқ, газофа, муболиға, сахтгирӣ, ғулув ва монанди ин мебошанд.