COVID-19: Як воя воксин кофӣ аст
Донишмандони соҳаи беҳдоштӣ дар натиҷаи таҳқиқот дар мавриди воксинҳои зидди коронавирус ба ин натиҷа расиданд, ки як дафъа воксин гирифтан барои шахсоне, ки ин бемориро паси сар кардаанд, кифоят мекунад.
Маҷаллаи илмии “Табиат” (Nature) дар матлаби илмие хулосаи чандин таҳқиқоти донишмандонро аз донишгоҳҳои гуногуни олам дар ин маврид нашр кардааст.
Бино ба хулосаи пажӯҳишгарон, аксари шахсоне, ки бемории “SARAS-CoV-2”-ро паси сар карданд, ҳангоми як дафъа воксини зидди коронавирус гирифтан, дар ҷисми онҳо иммунии қавии муқовиматкунанда бар зидди ин беморӣ тавлид мешавад, ки ин тавлидшавии иммунӣ дар вояи дуюм чандон зиёд нест.
Гуфта мешавад, андозаи қувваи иммунии ин афрод дар баробари онҳое, ки то гирифтани воксин ба бемории коронавирус мубтало нашуданд ва ду воя воксин задаанд, бештар аст.
Аз ин рӯ, кишварҳои Фаронса, Олмон ва Итолиё барои касоне, ки иммунии қавитар доранд, як маротиба воксин гирифтанро пешниҳод кардаанд.
Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp , Viber ва Imo ба ин рақам: +48519767404 бифиристед.