33.9 C
Dushanbe

Дурӯғҳои Президент дар паёмаш ба Маҷлиси Олӣ

21-уми декбари соли ҷорӣ Президент Эмомалӣ Раҳмон дар Паёми солонаи худ ба Маҷлиси Олии Тоҷикистон бар иловаи хеле аз таърифу тавсифҳои ноҷои худ дар чанд маврид аз қиёсҳои бемаврид ва дурӯғҳои шохдоре ҳам истифода кард.

Эмомалӣ Раҳмон дар ин Паёмаш гуфт: “дар бист соли охир 138 ҳазор гектар замин, аз ҷумла 52 ҳазор гектар аз ҳисоби заминҳои обӣ ба 1 миллиону 400 ҳазор оила барои бунёди манзили истиқоматӣ ҷудо карда дода шуд. Яъне 8 миллиону 800 ҳазор нафар аҳолии кишвар имконият пайдо карданд, ки шароити истиқоматии худро беҳтар намоянд.”

Дар ин ҷумла Президент Эмомалӣ Рамҳон ҳам дурӯғ мегӯяд ва ҳам ҷиноятҳои хеле аз ҳамкорон ва кормандони идораҳои давлатии зертобеашро моҳирона рӯпӯш мекунад. Наздик ба 80 дарсади заминҳои зикршуда, ҷудо не, балки тавассути кормандони давлатӣ бо роҳҳои ғайриқонунӣ ба мардум фурӯхта шудаанд.

Эмомалӣ Раҳмон дар бахши дигар суханрониаш бо таъкид мегӯяд: “агар шумораи муштариёни алоқаи телефонӣ соли 1991 ҳамагӣ 277 ҳазор нафарро ташкил карда бошад, пас дар соли 2021 шумораи танҳо муштариёни алоқаи телефонии мобилӣ ба беш аз 8 миллион нафар расидааст.”

Дар ин ҷо ҳам Эмомалӣ Раҳмон қиёси бемаврид ва дурӯғ мегӯяд. Зеро аввал ин, ки ин қиёси хандадор аст. 30 сол пеш телефонҳои мобилии муосир аслан вуҷуд надоштанд, дастгоҳҳои мухобиротӣ буд. Расман теъдоди аҳолии Тоҷикистон ҳудуди 9 миллион 600 ҳазор нафар аст. Аз ин теъдод 20% онҳоро кӯдакони то 6-сола ташкил медиҳанд. Илова бар ин зиёда аз ду миллиону 200 ҳазор нафари онҳо ҳамчун муҳоҷири меҳнатӣ дар хориҷ аз кишвар ба сар мебаранд. Яъне 9,6-20%=7.68/ 7,68-2.2=5.68) Ин маънои онро дорад, ки дар Тоҷикистон хеле аз муштариёни алоқаи молибилӣ дорои ду ва ё се симкортӣ ҳастанд, ки Эмомалӣ Раҳмон дониста ё надониста дурӯғҳои аз ҳад зиёд муболиғаомез мегӯяд. Хулоса, теъдоди муштариёни фаъоли шабакаҳои мобилӣ дар Тоҷикистон ҳудуди 4 миллион нафар арзёбӣ мешавад, на бештар.

Яке аз дурӯғҳои дигаре, ки дар Паём садо дод, ин таъсиси 200 ҳазор корхона дар давоми 30 соли истиқлол буд. Раҳмон бо даҳони пур иддао кард, ки ҳукуматаш ва албатта бо шарофати “сиёсати хирадмандона”-и худаш тавониста дар давоми 30 соли давлатдорияш 200 ҳазор ҷои кор таъсис бидиҳад ва шаҳрвандонро ба ҷои кор таъмин кунад.

Аммо агар каме диққат диҳем ва ҳисоб карда бароем, ки ин 200 ҳазор корхона агар 25 нафарӣ коргар медошт, ҳоло 2,5 миллон тоҷик дар ватан ба ҷои кор таъмин буд. Яъне ҳоло як тоҷик ҳам дар хориҷ муҳоҷири хору зор надоштем ва баракс, аз Узбекистону Қирғизистон муҳоҷирон ба кишвари мо меомаданд.

Амруллоҳи Низом, махсус барои Аздо ТВ  

Хабарро таблиғ кунед:

БЕШТАР БИХОНЕД
БЕШТАР БИХОНЕД

Мулоқоти Раҳмонов ва Пизишкиён дар Озарбойҷон

Раисҷумҳури худкомаи Тоҷикистон Эмомалӣ Раҳмон бо Президенти Эрон Масъуди Пизишкиён мулоқот кард.

Гармои шадид дар Тоҷикистон сокинонро нигарон кардааст

Рӯзҳои ахир шиддати гармои тобистонӣ дар Тоҷикистон аксари сокинонро нигарон кардааст.

Имомуддин Сатторов сафири Тоҷикистон дар Лаҳистон шуд

Сафири Фавқулода ва Мухтори Ҷумҳурии Тоҷикистон дар Олмон ва Лаҳистон Имомуддин Сатторов эътимодномаи худро ба Президенти Лаҳистон Анджей Дуда супорид.

Толибонро аввалин кишвари дунё расман эътироф кард

Пас аз чор соли ба сари қудрат расидани Толибон дар Афғонистон Русия аввалин кишваре шуд, ки ҳукумати сарпарастро ба расмият шинохт.