32.9 C
Dushanbe

Дӯстов: Мо озодии зиндониёнро талаб дорем

Сайидмуҳиддин Дӯстмуҳаммадиён (Саймуддин Дӯстов), рӯзноманигор ва фаъоли ҷомеаи шаҳрвандӣ дар арафаи сафари Раҳмонов ба Иттиҳоди Аврупо талаб кардааст, ки ҳукумат зиндониёни сиёсиро озод кунад.

Дар ҷомеа Дӯстмуҳаммадиёнро яке аз мухолифон ва мунтақидони Ҳизби наҳзати исломии Тоҷикистон (ҲНИТ) мешиносанд, вале бо ин вуҷуд ӯ дар солгарди Рӯзи зиндониёни сиёсӣ дар Тоҷикистон дар саҳфаи фейсбукии худ аз ҳукумат озод намудани онҳоро талаб кардааст.

Ба гуфтаи ӯ: “Озод кардани зиндониёни сиёсӣ дар арафаи ҷашни Истиқлол аз интизориҳои аслии ҷомеаи бедори тоҷик буд, ки иттифоқ науфтоду нокорагии дастгоҳи идораи давлат ва беҳимматии меросхурон ё машваратчиёни аслии президент Эмомалӣ Раҳмонро ба тамошо гузошт.”

Ин фаъоли ҷомеаи шаҳрвандӣ гуфтааст, ки бояд озод намудани зиндониёни сиёсӣ дар давраи раҳбарии раҳбарони мақомоти қудратӣ ва назоратии амалкунанда сурат гирад, чун онҳо хубтар аз ҳар каси дигар медонанд, ки кӣ гунахкор асту кӣ на.

Саймуддин Дӯстов он идда аз раҳбарони мақомотро, ки зидди озод кардани зиндониёни сиёсӣ дар ҳамин шабу рӯз ҳастанд, ба надоштани андешаи миллатсозӣ ва ба давлатдории миллӣ содиқ набудан муттаҳам намуда, “одампӯфак” номидааст.

Вай таъкид мекунад: “Барои огоҳон озод кардани ин гуруҳ зиндониён дигар масъалаи сиесӣ нест, балки башарӣ ва ахлоқӣ аст. Пас салоҳ аст, ки ҳар тан аз мо озодии онҳоро талаб кунад. Оё шумои гироми, ин сатрҳоро хондед, мувофиқед?”

Ин ҳам дар ҳолест, гурӯҳе аз зинёдони сиёсии Тоҷикистон бо нашри як муроҷиатнома гуфтаанд: “Вақте, ки мо дар раванди тафтишот барои исботи бегуноҳии худамон далелҳои қотеъона пешниҳод мекардем, муфаттишон бо табассуми муғамбирона ишора менамуданд, ки ба ҷуз зиндонӣ шудан чораи дигар надоред ва фармон аз боло аст.”

Ёдовар мешавем, ки дар Тоҷикистон аз 16-уми сентябри соли 2015 боздошт ва зиндонӣ намудани аъзоёну раҳбарони ҲНИТ ва хеле дигар аз озодандешон шурӯъ шуда буд. Аз ҳамин лиҳоз ҳамасола 16-уми сентябр ҳамчун Рӯзи зиндониёни сиёсӣ қайд карда мешавад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

“Гурӯҳи 24” рафтори мақомоти рус ва беамалии мақомоти тоҷикро маҳкум кард

Ҳаракати сиёсии “Гурӯҳи 24” бо нашри изҳороте рейду боздошт ва латтукӯби муҳоҷиронро дар шаҳру ноҳияҳои Русия муносибати ғайриинсонӣ ва бераҳмонаи мақомоти давлатии ин кишвар номид.

Шикояти вакилони дифоъи Хуршед Фозилов

Вакилони дифои рӯзноманигори зиндонӣ Хуршед Фозилов аз болои ҳукми Додгоҳи Панҷакент ба Додгоҳи вилояти Суғд шикоят бурдаанд.  

Латтукӯби муҳоҷирон ва ба маконҳои номаълум бурдани онҳо идома дорад

Чанд рӯзи ахир боздошт ва латтукӯби муҳоҷирон, бахусус муҳоҷирони тоҷик аз ҷониби нерӯҳои амниятӣ ва интизомии Русия бештар шудааст.

Рафту омад дар роҳи Душанбе-Хуҷанд маҳдуд шуд

Шуруъ аз имрӯз, 1-уми июни соли ҷорӣ дар шоҳроҳи Душанбе-Чаноқ барои рафту омади мошинҳо маҳдудият ҷорӣ шудааст.