Эмомалӣ Раҳмон дар доираи сафари кории худ ба Вилояти Мухтори Кӯҳистони Бадахшон дар шаҳри Хоруғ ба дидори ятимон рафт.
Бино ба иттилои расмӣ, имрӯз, 17-уми августи соли 2023, “Эмомалӣ Раҳмон бо 100 нафар кӯдакону наврасони ятиму дорои имконияташон маҳдуди ҷисмонӣ аз шаҳру ноҳияҳои Вилояти Мухтори Кӯҳистони Бадахшон” дар шаҳри Хоруғ мулоқот кардааст.
Хадамоти матбуоти Президенти Тоҷикистон ва дигар ниҳодҳои расмӣ дар бораи ҳувияти ин 100 нафар ятим ва кӯдакону наврасони маъюб чизе нагуфтаанд, вале бархе манобеи Azda.tv аз Вилояти Мухтори Кӯҳистони Бадахшон мегӯянд, дар байни онҳо бархе фарзандони озодихоҳоне, ки пас аз тазоҳуротҳои мусолиматомез дар солҳои 2021-2022 кушта шуда буданд, низ вуҷуд дорад.
Ба қавли Хадамоти матбуоти Президенти Тоҷикистон, дар вақти мулоқот “Эмомалӣ Раҳмон бо кӯдакону наврасони ноҳияҳои вилоят сӯҳбати самимӣ ороста, онҳоро барои таҳсили хубу аъло” ва ғайра “ҳидоят намудааст.”
Аммо дар вокуниш ба ин кори Эмомалӣ Раҳмон фаъоли сиёсии тоҷик Салим Султонзода ин рафторҳои ӯро “ҳидоят” не, балки як навъе аз “мағзшӯӣ”-ҳои маъмул дар низомҳои худкома дониста, меафзояд: “Сталин ҳам мекушту баъд дар ятимхонаҳо кӯдаконро мағзшӯии мекард.”
Гуфта мешавад, дар тазоҳурти мусолиматомези Вилояти Мухтори Кӯҳистони Бадахшон, ки тайи солҳои 2021 ва 2022 дар шаҳри Хоруғ ва Вамар, маркази ноҳияи Рушон баргузор гардида буд, бо фамони Эмомалӣ Раҳмон зиёда аз 70 нафар кушта ва беш аз 100 каси дигар маҷруҳ ва даҳҳо тани онҳо барои ҳамеша маъюб гардида буданд.
