32.9 C
Dushanbe

Эмомалӣ Раҳмон ба Ворух расид

Имрӯз 9 апрел Эмомалӣ Раҳмон зимни сафарҳои корияш ба вилояти Суғд ба ҷамоати Ворухи шаҳри Исфара расид. Раҳмон дар Ворух Маркази варзишии “Ширин”, Кохи фарҳан, Парчами давалатӣ бо дарозии 50 метр, як боғ ва чанд иншооти дигарро ифтитоҳ намуд.

Бино ба иттилои Радиои Озодӣ, ҳамчунин раисҷумҳур бо мардуми Ворух низ вохӯрӣ анҷом дод. Ӯ дар суҳбат бо мардум ба масъалаи табдили Ворух ба заминҳои Бодканди Қирғизистон ишора намуда, гуфта, ки Ворух иваз намешавад. Ӯ афзуда, ки ин мушкилӣ вақт мехоҳад ва бо эҳсосот ҳал намешавад.

Раҳмон ҳамчунин аз сокинони Ворух ва Чоркуҳ хоста, ки бо ҳамсояҳои қирғизи худ муносибати хуб дошта бошанд ва ба эҳсосот дода нашаванд.

Сафари Раҳмон ба Суғд, хусусан ба ҷамоати Ворух бо мақсади боздид аз омодагиҳо ба ҷашни 30-солагии истиқлол ва мулоқот бо мардуми ин ҷамоат гуфта мешавад.

Аммо дар ҳоле ин сафар анҷом мепазирад, ки чанде пеш раиси КДАМ-и Қирғизистон Қамчибек Тешаев иддао карда буд, ки ба ҷониби Тоҷикистон пешниҳод кардааст Ворухро бидиҳанд дар иваз 12 ҳазор гегтар аз вилояти Бодканди Қирғизистон бигиранд.

Ин пешниҳоди ҷониби Қирғизистон сару садоҳои зиёдеро дар ҷомеаи тоҷик ба бор овард. Ҳукумат агарчи расман посухе надод, аммо вокунишҳои чеҳраҳои шинохта ва устодони таъриху донишмандон дар расонаҳои давлатӣ ба табъ расид.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Шикояти вакилони дифоъи Хуршед Фозилов

Вакилони дифои рӯзноманигори зиндонӣ Хуршед Фозилов аз болои ҳукми Додгоҳи Панҷакент ба Додгоҳи вилояти Суғд шикоят бурдаанд.  

Латтукӯби муҳоҷирон ва ба маконҳои номаълум бурдани онҳо идома дорад

Чанд рӯзи ахир боздошт ва латтукӯби муҳоҷирон, бахусус муҳоҷирони тоҷик аз ҷониби нерӯҳои амниятӣ ва интизомии Русия бештар шудааст.

Рафту омад дар роҳи Душанбе-Хуҷанд маҳдуд шуд

Шуруъ аз имрӯз, 1-уми июни соли ҷорӣ дар шоҳроҳи Душанбе-Чаноқ барои рафту омади мошинҳо маҳдудият ҷорӣ шудааст.

Эълони ҳукми зиндони сарбозоне, ки наваскаронро латтукӯб карданд

Чанд сарбозе, ки дар як навор навсакаронро бераҳмона латтукӯб мекарданд, ҳамаи онҳо равонаи зиндон шуданд.