32.9 C
Dushanbe

Эътирози 3300 корманди СММ дар Афғонистон

Дар Афғонистон беш аз 3 ҳазор зан, ки дар бахшҳои гуногуни Созмони Миллали Муттаҳид кор мекарданд, дар робита ба қарори Толибон дар барои манъи фаъолияти занон дар ин кишвар эътироз карданд.

Бино ба иттилои ББС, тайи ду рӯзи ахир 3 ҳазору 300 корманди Созмони Милали Муттаҳид дар Афғонистон дар эътироз ба манъи кори занони афғон дар ин созмон бо баргузории як эътирози нарм, дар хонаҳои худ монда, ба кор нарафтаанд.

Иморати исломии Толибон бо судури як фармон кор кардани занони Афғонистон дар бархе ниҳодҳои Созмони Милали Муттаҳидро манъ кардааст.  

Ин фармони Толибон ҳам аз сӯи Шӯрои амнияти Созмони Милали Муттаҳид ва ҳам аз ҷониби Созмони Ҳамкориҳои Исломӣ маҳкум гардида, ҳар ду ҷониб аз Иморати исломӣ хостаанд, ки дар ин фармони худ бознигарӣ ва лағв кунанд, зеро ин амр метавонад ба ирсол ва тақсими кумакҳои башардӯстона дар Афғонистон таъсири манфӣ бирасонад.

Гуфта мешавад, Толибон бо далели ин ки “ҳурмати занони афғон дуруст риоят намешавад”, пеш аз ин ҳам рафтани духтарон ба хеле аз донишгоҳҳо ва кор кардани онҳоро дар бархе созмонҳо ва дигар ҷойҳои ҷамъиятӣ низ мамнӯъ эълон карда буданд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Баргузории ҳамоишҳои эътирозӣ дар Олмон

Ҷамъе аз фаъолони олмонӣ ва тоҷикистонӣ тасмим гирифтаанд, ки ҳафтаи оянда се ҳамоиши эътирозӣ дар Берлин - пойтахти Олмон баргузор кунаад.

Мишустин аз густариши ҳамкориҳои Русия бо Тоҷикистон гуфт

Михаил Мишустин, сарвазири Русия дар суҳбат бо ҳамтои тоҷикаш...

Трамп расман ба даст доштан дар ҷинояти нав муттаҳам шуд

Доналд Трамп, собиқ раисҷумҳури Амрико аз сӯи Вазорати додгустарии ин кишвар дар парвандаи нигаҳдории асноди маҳрамонаи давлатӣ пас аз поёни давраи президентияш муттаҳам мешавад.

Мулоқоти сафири Тоҷикистон бо Додситони кулли Туркия

Ашрафҷон Гулов, домоди Эмомалӣ Раҳмон ва сафири Тоҷикистон дар Туркия, 8-уми июни соли ҷорӣ бо Додситони кулли Туркия Бекир Шоҳин мулоқот карда, ба густариши ҳамкориҳо таъкид кард.