Тоҷикистон

Эътирози тоҷикон дар назди сафорати Қирғизистон дар Олмон

Гурӯҳе аз шаҳрвандони Тоҷикистон дар назди сафорати Қирғизистон дар шаҳри Берлини Олмон гирдиҳамоии эътирозӣ ташкил карда, шиорҳои "Бас кунед куштани кӯдакони тоҷик!"-ро баланд карданд.

Гуфта мешавад, ин гирдиҳамоии эътирозии шаҳрвандони Тоҷикистон дар хориҷи кишвар рӯзи 22-уми сентябр доир гаштааст. Маълум нест, ки касе аз намояндагони сафорати Қирғизистон бо онҳо ҳамсуҳбат шудааст ва ё не. Вале онҳо аз мақомоти кишвари Қирғизистон хостанд, ки иғвову ҷангро бас кунад.

Ин нахустин гирдиҳамоии эътирозии шаҳрвандони Тоҷикистон дар хориҷ аз кишвар мебошад, ки дар робита ба ҷангҳои хунини ахири марзӣ байни Тоҷикистону Қирғизистон дори мешавад.

Ёдовар мешавем, ки шуруъ аз 14 то 17-уми сентябр дар марзи Тоҷикистон бо Қирғизистон даргириҳои хунин сар зад, ки дар натиҷа беш аз 100 нафар аз ду тараф кушта шуда, садҳо нафари дигар захмӣ шуданд. Ҳукуматҳо якдигарро дар оғози даргирӣ гунаҳкор карданд.

Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp, Viber ва Imo ба ин рақам:

Матолиби дигари Тоҷикистон

Тоҷикистон

Кӣ рост мегӯяд: Эмомалӣ Раҳмон ё Владимир Путин?

Вокуниши ПМТ ба иттиҳомоти ҷониби Қирғизистон

Тоҷикистон

Мулоқоти Эмомалӣ Раҳмон бо вазири корҳои хориҷаи Саудӣ

Тоҷикистон

Оғози мурофиаи додгоҳии журналист Абдуллоҳи Ғурбатӣ