21.9 C
Dushanbe

Ёддошти эътирозии Тоҷикистон ба сафири Қирғизистон

Вазорати корҳои хориҷии Тоҷикистон ҷониби Қирғизистонро ба “дурӯягӣ” муттаҳам карда, сафири ҳамсоякишварро даъват намуда, ба вай “ёддошти эътирозӣ” дод.

Бино ба иттилои сомонаи Вазорати корҳои хориҷии Тоҷикистон, субҳи имрӯз, 7-уми октябри соли 2022, “сафири фавқулода ва мухтори Ҷумҳурии Қирғизистон дар Ҷумҳурии Тоҷикистон Эрлан Абдилдаев ба Вазорати корҳои хориҷӣ даъват карда шуд.”

Ба қавли манбаъ, “ба сафири Қирғизистон ёддошти эътирозии Вазорати корҳои хориҷии Тоҷикистон дар робита ба шарҳдиҳии сардори хадамоти матбуоти Вазорати корҳои хориҷии Ҷумҳурии Қирғизистон супорида шуд.”

Вазорати корҳои хориҷии Тоҷикистон мегӯяд, ки “ҷониби Тоҷикистон чунин изҳороти пасти котиби матбуотии Вазорати корҳои хориҷии Қирғизистонро далели аз байн рафтани фарҳанги сиёсӣ ва набудани одоби оддии дипломатӣ арзёбӣ менамояд.”

Дар ин изҳороти Вазорати корҳои хориҷӣ таъкид гардида, ки “изҳороти намояндаи расмии Вазорати корҳои хориҷии Қирғизистон як кӯшиши бесарусомонӣ барои таҳмили ақидаи бардурӯғ дар бораи сабабҳои аслии таҷовузи мусаллаҳонаи Қирғизистон алайҳи Тоҷикистон ба афкори умум мебошад. Зимнан зикр гардид, ки чунин изҳороти риёкорона ба рӯҳ ва ҳарфи протоколҳое, ки ҷонибҳо рӯзҳои 19 ва 25 сентябри соли 2022 имзо кардаанд, мувофиқат намекунад.”

Гуфта мешавад, Тоҷикистону Қирғизистон дар торихи ҳамсоядории 30 соли ахири худ борҳост, ки муноқишаҳои хунинро таҷриба мекунанд ва бори охир дар рӯзҳои 14-17-уми сентябри соли ҷорӣ ҳодисаҳои хунине сар зад, ки расман теъдоди куштаҳо аз ду ҷониб наздик ба 150 нафар ва омори захмиҳо низ ҳудуди 300 нафарро гузашт. Дар ин ҳодисаҳо ҳар дуҷониб якдигарро ба оғози ҳамлаҳои мусалаҳҳона муттаҳам мекунанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Даргузашти генерал Ғайрат Адҳамов

Генерал Ғайрат Адҳамов, яке аз собиқ қумандонҳои мухолифини ҳукумати Эмомалӣ вафот кард.

Шикасти Инглистон дар муқобили Испониё

Мунтахаби миллии футболи Испониё дар муқобили тими миллии Инглистон пирӯз шуд.

Раиси Ҳизби сотсиалистиро ҳам аз вазифа барканор кардан мехоҳанд

Мақомоти болоии Ҳибзи сотсиалистии Тоҷикистон гуфтаанд, ки дар Анҷумани...

Эълони мукофотҳо барои иштирокчиёни бозиҳои олимпӣ

Дар бозиҳои тобистонаи олимпӣ-2024 дар шаҳри Парижи Фаронса 14...