30.9 C
Dushanbe

Фармони нави Путин дар бораи басиҷи нерӯҳо ба артиш

Раисҷумҳури Русия Владимир Путин рӯзи 6-уми октябр барои эъзоми нерӯҳои захиравӣ ба артиш (басиҷи нерӯҳо) қарори наверо имзо гузошт.

Мувофиқи қарори нав эъзоми чанд гурӯҳ аз шаҳрвандони ин кишвар ба артиш ба таъхир гузошта мешавад. Аз ҷумла, шаҳрвандоне, ки бори аввал дар сатҳҳои гуногуни илмӣ таҳсил мегиранд, чи дар шакли рӯзона ва чи ғоибона.

Инчунин онҳое, ки дар муассисҳои таҳсилоти миёнаи касбӣ ва олӣ ва пажӯҳишгоҳҳо мувофиқи барномаҳои таълимие, ки аз ҷониби давлат пешниҳод шудааст, машғули омӯзишу коранд.

Ҳамзамон дар қарор гуфта мешавад, онҳое, ки дар риштаҳои омӯзгорӣ ва технологӣ таълим мегиранд ва ё мутахассисони ин соҳаҳо ҳастанд низ ба артиш бурда намешаванд.

Мутобиқи қарори мазкур, донишҷӯёни риштаҳои динӣ, ки аз ҷониби давлат ҳамчун мутахассис омода мешаванд ва мутахассисони ин соҳа, шомил кардани онҳо ба артиш низ ба таъхир гузошта мешавад.

Ёдовар мешавем, ки 21-уми сентябри соли ҷорӣ Владимир Путин фармон дар бораи қисман басиҷи нерӯҳоро содир кард, ки мувофиқи он бояд 300 ҳазор сарбози захиравӣ ба артиши Русия ҷалб шавад.

Пас аз судури ин фармон даҳҳо ҳазор шаҳрванди ин кишвар, ки намехоҳанд ба артиш бурда шаванд, рӯ ба фирор оварда, ба кишварҳои Финландия, Манголия ва кишварҳои Осиёи Марказӣ, аз ҷумла ба Тоҷикистон паноҳ оварданд.

Дар ҳамин ҳол мақомоти Русия садҳо шарҳванди хориҷӣ, аз ҷумла тоҷикистониёне, ки дар ин кишвар кору зиндагӣ мекунанд, ба артиш даъват кардаанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Рушди беш аз 8%-и иқтисоди Тоҷикистон

Гузоришгарони Бонки ҷаҳонӣ мегӯянд, рушди иқтисоди Тоҷикистон дар 16 моҳи ахир беш аз 8% тавсеа ёфтааст.

Баррасии ҳамкориҳои Тоҷикистон ва Иттиҳоди Аврупо

Мақомоти боломақоми Тоҷикистон ва Иттиҳоди Аврупо дар бораи ҳамкориҳои дирӯз ва имрӯзи худ гуфтугӯ карданд.

Шикояти мардум аз беобӣ дар Тоҷикистон

Бархе сокинони шаҳри Бохтар, маркази вилояти Хатлон мегӯянд, ки чор моҳ боз мардум аз беобӣ азият мекашанд ва касе дар вилоят ба доди онҳо намерасад.

ВКД 100 ҳазор сомонӣ мукофот медиҳад

Вазорати корҳои дохилии Тоҷикистон барои пайдо кардани як нафар гумонбар ба ҷиноят дар пойтахт аз мардум кумак хостааст.