Федератсияи Рӯзноманигорони Аврупо аз Тоҷикистон ва Озарбойҷон даъват кардааст, ки аз монеъатарошӣ барои тамдиди мандати Ҳарлем Дезир даст бардоранд. Ҳоло Федератсияи Рӯзноманигорони Аврупо аз тамдиди дубораи мандати намояндаи САҲА дар умури озодии расонаҳо, Ҳарлем Дезир ҳимоят мекунад, аммо ба қавли ин созмон кишварҳои Тоҷикистон ва Озарбойҷон, барои тамдиди дубораи мандати ӯ монеъа эҷод кардаанд.
Ин созмон дар саҳифаи твитери худ менависад: "Мо аз Ҷумҳурии Озарбойҷон ва Тоҷикистон мехоҳем талошҳояшонро барои пешгирӣ аз расидан ба тавофуқ дар мавриди тамдиди мандат даст кашанд”.
We fully support the renewal of the mandate of @harlemdesir as @OSCE_RFoM. We call on #Azerbaijan and #Tajikistan to stop efforts to block consensus on the mandate renewal.
— EFJ (@EFJEUROPE) July 2, 2020
Ҳарлем Дезир аз соли 2014 то 2017 ҳамчун вазири фаронса дар умури Аврупо буд. Аз моҳи июли соли 2017 ба унвони намоянадаи САҲА дар умури озодии расонаҳо ба кор оғоз кардааст ва имсол муҳлати намояндагияш ба поён расид. Ҷаноби Ҳарлем Дезир замони фаолияташ ба унвони намояндаи САҲА дар умури озодии расонаҳо дар баробари нақзи оздоиҳои расонаҳо фаъол буд ва дар 4 соли намояндагиаш борҳо Тоҷикистонро барои саркӯби раоснаҳо,тамдид накардани акредитатсияи хабарнигорони Радиои Озодӣ, таъқиби пайвандони рӯзноманигор Ҳумайрои Бахтиёр ва боздошти рӯзноманигорон Хайрулло Мирсаидов ва Далер Шарипов башиддат интиқод карда буд.
Аксари кишварҳои узви САҲА дар мавриди тамдиди номзадии ӯ ба ин мақом барои 4 соли дигар мувофиқанд, аммо кишварҳои Тоҷикистон ва Озарбойҷон талош доранд то монеъи тамдиди дубораи мандати Ҳарлем Дезир ба мақоми намояндаи САҲА дар умури озодиҳои расонаҳо гарданд. Тоҷикистон ва Озарбойҷон ду узв аз 54 узви САҲА мебошанд.
Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp , Viber ва Imo ба ин рақам: +48519767404 бифиристед.