24.9 C
Dushanbe

Гаштҳои хона ба хонаи аъзои ҲХДТ дар Фархор

Дар саҳфаи фейсбукии Ҳизби халқи демократии Тоҷикистон дар ноҳияи Фархор аз гаштҳои хона ба хона дар ин ноҳия хабар додааст.

Гуфта мешавад, рафтани намояндагони Ҳукумат, ки ҳама узви ҳизби ҳоким ҳастанд, ба хонаҳои мардум барои амалӣ кардани дастуру супоришҳои раиси ин ҳизб Эмомалӣ Раҳмон будааст. Яке аз супоришҳои Эмомалӣ Раҳмон ин фаҳмондани қонуни манъи пӯшидани либосҳои “ба фарҳанги миллӣ бегона” ба мардум мебошад.

Дар вохӯрӣ ба сокинони ин ноҳия намояндагони Ҳукумат зикр караанд, ки дар ҷойҳои ҷамъиятӣ фарҳанги миллиро риоят кунанд ва либоси миллӣ бипӯшанд. Ҳамчунин мақомот ба мардум гуфтаанд, ки аз тарғиби хурофоту бегонапарастӣ даст кашиданд. Аммо дақиқ нагуфтаанд, ки манзур аз либоси миллӣ кадом навъи либос аст ва низ чи чиз ҳамчун хурофот дониста мешавад.

Ба ин монанд дар дигар саҳфаҳи фейсбугии ҲХДТ дар ҷанд рӯзи охир дар интернет матлабҳои зиёде аз рафти корҳои фаҳмондадӣ барои пӯшидани либоси миллӣ нашр шудааст.

Аммо дар наворҳое, ки қаблан дар интернет нашр шуда буд, дида мешавад, занҳои ҳиҷобпӯшро маҷбур мекунанд то рӯсариҳои худро аз сар бигиранд ва бақавли онҳо “тоҷикона” банданд.

Ёдовар мешавем рӯзи 8-уми майи соли ҷорӣ парлумони кишвар ба қонун “Дар бораи танзими ҷашну маросим” тағйиру иловаҳо ворид кард. Аз ҷумла, тибқи қонуни нав, “воридот, фурӯш, тарғиби либосҳои ба фарҳанги миллӣ бегона, инчунин дар ҷойҳои ҷамъиятӣ пӯшидани чунин либосҳо”-ро манъ кардааст.

Ин қонун дертар рӯзи 19-июни соли 2024 аз сӯи палатаи болоии парлумони кишвар тасдиқ ва аз сӯи Эмомалӣ Раҳмон ба имзо расид. Аксар коршиносон мегӯянд, танзими либоси шаҳрвандон аз ҷониби мақомоти тоҷик мисли чанд соли қабл боз нафрати мардумро ба ҳукумат бештар карда, сафи мухолифонро зиёд мекунд. Зеро, ба гуфтаи онҳо, “пешгирӣ аз тарғиби фарҳанги бегона” танҳо шакл ва либосҳои исломиро дар бар мегирад ва ба он навъ либосҳои нимурён, ки ба фарҳанги тоҷикӣ ҳеч наздикӣ надоранд, коре гирифта намешавад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Кумаки 141 миллионии ИА ба Тоҷикистон

Иттиҳоди Аврупо эълон кардааст, ки зиёда аз 140 миллион евро ба Тоҷикистон кумак мекунад.

Рушди беш аз 8%-и иқтисоди Тоҷикистон

Гузоришгарони Бонки ҷаҳонӣ мегӯянд, рушди иқтисоди Тоҷикистон дар 16 моҳи ахир беш аз 8% тавсеа ёфтааст.

Баррасии ҳамкориҳои Тоҷикистон ва Иттиҳоди Аврупо

Мақомоти боломақоми Тоҷикистон ва Иттиҳоди Аврупо дар бораи ҳамкориҳои дирӯз ва имрӯзи худ гуфтугӯ карданд.

Шикояти мардум аз беобӣ дар Тоҷикистон

Бархе сокинони шаҳри Бохтар, маркази вилояти Хатлон мегӯянд, ки чор моҳ боз мардум аз беобӣ азият мекашанд ва касе дар вилоят ба доди онҳо намерасад.