27.9 C
Dushanbe

Нархи газ дар Тоҷикистон боло рафт

Дар Тоҷикистон сӯзишвории аксари омошинҳо аз гази моеъ аст, дар ин чанд рӯзи ахир яку якбора қиммати он аз 2,6 ва 2,8 сомонӣ ба 3,5 ва 3,8 сомонӣ боло рафт, ки ин боз ҳам зарбаест болои иқтисоди мардум.

Ин дар ҳолест, ки аксари давлатҳои дунё бинобар паҳншавии вируси корона ва замони қарантина бештари маҳсулоти аввалияи рӯзгор, аз ҷумла, нархи бензину газро аз нархи қаблӣ арзонтар карданд, аммо дар мо ин баракс шудааст, – мегӯяд як ронандаи таксӣ дар Душанбе.

Торнамои Spetnik Тоҷикистон менависад, тайи як ҳафтаи охир қиммати фурӯши гази моеъ дар ҳамаи нуқтаҳои фурӯши сӯзишворӣ дар шаҳру навоҳии Тоҷикистон ба таври бесобиқа тағйир ёфтааст.

Коршиносон бар ин назаранд, ки гаронгшавии қимати газ, ки бештари худравҳои шахсӣӣ ва мусофиркаш аз он истифода мебаранд, ба иқтисоди хонаводаҳо таъсири манфӣ мерасонад.

Як коршинос ба хабаргузории Spetnik гуфта:

“Вақте, ки сокинон барои пешгирӣ аз паҳни пандемияи COVID – 19 дар хона монданд ва гаштугузори мошинҳо ҳам кам дида мешуд, арзиши нархи газ қариб то 50 % коҳиш ёфта 2, 5 сомонӣ шуд, вале ҳоло, ки мошинҳо зиёд ба кӯчаҳо баромадаанд ва талабот ба хариди маҳсулот зиёд шудааст, аз ин хотир нархи газро боло бурдаанд. Аммо дар шароити камбуди маош чунин гароншавиҳо ба вазъи иқтисоди хонаводагии сокинон таъсир мерасонад”,- зикр намуд, коршинос Умар Собиров”.

Кишвари Тоҷикистон маводи сӯхт, аз ҷумлаи гази моеъ ва бензину дизелро аз хориҷа, умдатан аз кишвари Русия ва Қазоқистон ворид мекунад.

Дар соли гузаштаи 2019 бино ба маълумотҳои омории мақомоти гумрук беш аз 430 ҳазор тон гази моеъ, қариб 180 ҳазор тон бензин ва ҳудуди 250 ҳазор тон маводи дизелӣ ба кишвар ворид шудааст.

“Фароз”, “Газойл”, “Газпром”, “Роҳи Сомон” аз бузургтарин ширкатҳои таъминкунандаи сӯзишворӣ дар Тоҷикистон ба ҳисоб мераванд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Гумонбарон дар қатли занҷираии Конибодом боздошт шуданд?

Мақомот гумонбарон дар қатли занҷираӣ дар шаҳри Конибодоми вилояти Суғдро боздошт кардаанд.

Ҳушдори КҲФ аз омадани сел дар баъзе манотиқ кишвар

Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ба сокинон ва меҳмонони кишвар аз эҳтимоли омадани сел дар чанд ноҳияи кишвар ҳушдор медиҳад.

Боздошти Усмонзода бо иттиҳоми ғасби ҳокимият

Дахлнопазирии вакили парлумони кишвар Саидҷаъфар Усмонзода бекор ва худи ӯ ба ҳабси пешакӣ гирифта шуд.

“Карим”-ро аз Русия ихроҷ карданд

Мақомоти Русия варзишкори тоҷик ва қаҳрамони ду вазни созмони "Hardcore MMA" Фазлиддин "Карим" Мадраҳимовро аз ин кишвар ихроҷ карданд.