6.9 C
Dushanbe

Гази Узбекистон дубора вориди Тоҷикистон шуд

Баъд аз 10 соли қатъи газ аз ҷониби Узбекистон дубора ба шаҳри Хуҷанд газ расид, ки гуфта мешавад, аввал корхонаҳои саноатиро ба газ таъмин мекунанд, пас аз он ба аҳолӣ тақсим мешавад.

Директори ширкати “Суғдиёнгаз” Абдулҳаким Суфиев ба “Sputnik” гуфтааст:

“Гази табиӣ аз ҷиҳати экологӣ тоза ва аз ҷиҳати иқтисодӣ бисёр муфид аст. Ҳоло бо нархи то 2 сомонӣ барои як куб газ ба корхонаҳо пешниҳод карда мешавад, ин нисбати барқу ангишт аз 40 то 60 % маҳсуб мешавад”.

Гуфта мешавад, дар шароити кунунӣ истифодаи гази табиӣ назар ба ангишт ва қувваи барқ каммасрафтар аст.

Сурат: Азия-Плюс

Айни замон ба гуфтаи мақомот дар шаҳри Хуҷанд ҳудуди 150 корхонаи саноатӣ фаъолият мекунад.

Масъулин гуфтаанд, пас аз таъмин намудани корхонаҳо дар навбати дуюм воситаҳои нақлиёт ва аҳолии шаҳрҳои Хуҷанд, Бӯстон, ноҳияҳои Б. Ғафуров ва Истиқлол бо гази табиӣ таъмин хоҳанд шуд. Ба гуфтаи онҳо, солона хоҷагии халқи вилояти Суғд тақрибан ба 240 милион кубометри газ эҳтиёҷ доранд.

Хатти газ аз Узбекистон ба Тоҷикистон дар замони Шӯравӣ бунёд шуда буд, аммо дар натиҷаи сардии муносиботҳои дуҷониба он қатъ шуд. Баъди Президенти Узбекистон интихоб шудани Шавкат Мирзиёев муносибати дипломатии ду кишвар тағйир ёфт, марзҳо дигарбора бар рӯи ҳам кушода шуда муносибатҳо дӯстона тақвият ёфтанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Русия ба Тоҷикистон муаллиму китобҳои забони рус мефиристад

Русия махсус барои Тоҷикистон омӯзгорони забони русӣ ва дигар...

Мухолифони Толибон дар Душанбе ҷамъ омаданд

Нишасти 11-уми "Гуфтумони амниятии Ҳирот" бо меҳварияти масоили Афғонистон дар шаҳри Душанбе ба кори худ оғоз кард.

Поёни оташбаси муваққат дар Ғазза ва хостори тамдиди он

Имрӯз, 27-уми ноябр рӯзи охирини оташбаси 4-рӯзаи байни Исроил ва ҲАМОС аст. Эҳтимол меравад он то чанд рӯзи дигар тамдид шавад.

Таҷаммуи эътирозӣ дар Олмон барои озодии Абдуллоҳи Шамсиддин

Гурӯҳе аз ҳамкорони Абдуллоҳи Шамсиддин, писари Шамсиддини Саид, узви аршади ҲНИТ рӯзи 23-уми ноябр бори дигар дар Олмон барои талаби раҳоии ӯ гирдиҳамоӣ карданд.