-4.6 C
Dushanbe

Гуруснанишинии паноҳҷӯён дар Литва

Даҳҳо нафар аз паноҳҷӯён дар Литва, ки аз шароити бади зиндагӣ ва номушаххас будани сарнавишташон ба сутӯҳ омадаанд, бо нишони эътироз аз хурдани хӯрок даст кашиданд.

26-уми юли соли ҷорӣ як паноҳҷӯе, ки дар Маркази паноҳандагон дар шаҳраки Алитуси (Alytus, Verebiejai, Lithuania) Литва  қарор дорад, дар тамоси телефонӣ ба Аздо тв гуфт: Дар байни ин паноҳҷӯён 3 нафар аз шаҳрвандони Тоҷикистон низ ҳузур доранд.

Ба гуфтаи ӯ, дар пайи эътирози паноҳҷӯён, дирӯз, соати 5 субҳ нерӯҳои ОМОН вориди лагер шуда 7 нафарро, ки 26-уми июл дар баргузории тазоҳурот фаъол буданд, дастгир карда бурданд. Ба истиснои як ироқӣ дигар ҳама боздошт шудаҳо африқоитабор мебошанд.

Вай афзуд, наздик ба 150 нафар паноҳҷӯ дар мактабе дар шаҳри Алитуси деҳаи Варабей Литва нигаҳдорӣ мешаванд, танҳо дар як толори варзишӣ 43 нафар зиндагӣ мекунанд.

Гуфтанист, дар давоми чанд моҳи ахир ҳудуди 3 ҳазор паноҳҷӯи ғайриқонунӣ аз тариқи Беларус ба Литва рафтааст. Аксари паноҳҷуён аз роҳи Туркия вориди Белорус шуда, сипас аз Белорус аз тариқи ҷангал ба таври қочоқ дохили хоки Литва гаштаанд.

Ин паноҳҷӯён Литваро ҳамчун дарвозаи вурудӣ ба Аврупо дониста, бештари онҳо ҳадаф доранд худашонро ба кишварҳои Авропои Ғарбӣ ва Бритонияи Кабир бирасонанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Марги як шаҳрванди Тоҷикистон дар Олмон

Як муҳоҷири 45-солаи шаҳрванди Тоҷикистон, ки дар Олмон кору зиндагӣ мекард, аз дунё даргузаштааст.

Шаҳбоз Шариф дубора Нахуствазир шуд

Шаҳбоз Шариф, бародари Муҳаммад Навоз Шариф дубора Нахуствазири Покистон интихоб шуд.

Боз 3 кӯдаки дигар аз дуди оташ заҳролуд шуда, ҷон бохтанд

Рӯзи 2-уми марти соли ҷорӣ 3 кӯдаки ноболиғ дар шаҳри Душанбе бар асари оташ гирифтани хона ҷон бохтанд.

Муфтиёти Тоҷикистон оғози моҳи Рамазонро эълон кард

Шӯрои улами Маркази исломии Тоҷикистон дар ҳамкорӣ бо Институти Астрофизикаи Академияи миллии илмҳои Тоҷикистон оғози моҳи Рамазонро муайян карданд.