22.9 C
Dushanbe

Хидматрасонии кортҳои русии “Мир” дар Тоҷикистон қатъ мешавад?

Ба эҳтимоли зиёд хидматрасонии кортҳои русии “Мир” пас аз Қирғизистон дар Тоҷикистон низ қатъ мешавад.

Бино ба иттилои сомонаи низоми пардохтҳои миллии Қирғизистон “Элкарт”, аз 5-уми апрели соли ҷорӣ хидматрасонии кортҳои бонкии русии “Мир” дар ҳудуди ин кишвар қатъ мешавад.

Чунин тасмимро мақомоти Қирғизистон ба хотири таҳримҳои иқтисодие гирифтаанд, ки Вазорати молияи Иёлоти Муттаҳидаи Амрико ба далели ҳамлаи Русия ба Украина рӯзи 23-уми феврал алайҳи Системаи миллии кортҳои пардохтии Русия ҷорӣ карда буд.

Пештар дар расонаҳо гуфта мешуд, ки хидматрасонӣ ба кортҳои “Мир”-ро қариб ҳамаи бонкҳои Арманистон (ба ҷуз ВТБ), қисман бонкҳои Қазоқистон, Узбекистон, Тоҷикистон, Ветнам ва Туркия қатъ кардаанд. Инчунин низомҳои Samsung Pay ва Apple Pay ин навъи кортҳоро дигар қабул намекунанд.

Дар ҳамин ҳол “ТАСС” дар истинод ба “Амонатбонк” ва “Dushanbe City” хабар додааст, ки дар Тоҷикистон ин бонкҳо қабули кортҳои низоми пардохтии Русия “Мир”-ро идома медиҳанд.

Ба гуфтаи коршиносон, бо вуҷуди он ки Тоҷикистон манфиатдор аст, кортҳои “Мир” дар кишвар фаъолият кунанд, аммо таҳримҳои дуюмдараҷаи ИМА низ метавонанд ба иқтисодиёти Тоҷикистон зарбаи ҷиддӣ расонанд ва ба ҳамин хотир эҳтимол метравад хидратсонии “Мир” дар кишвар қатъ карда шавад.

Гуфтанист, агар чунин тасмиме дар Тоҷикистон гирифта шавад, интиқоли маблағ аз корт ба корти дигар дар дохили низоми пардохти Тоҷикистон номумкин гашта, кортҳои “Мир”-ро бонкоматҳо дигар қабул нахоҳанд кард ва бо онҳо пардохтҳои онлайниву офлайнӣ анҷом дода намешавад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Раҳмон ба Итолиё меравад?

Вазорати корҳои хориҷӣ ва ҳамкории байналмилалии Итолиё дар якҷоягӣ бо Оҷонсии савдои ин кишвар (ICE) дар бораи Тоҷикистон нишаст баргузор мекунанд.

Ихроҷи 600 муҳоҷири кории тоҷик аз Корея

Дар давоми камтар аз як моҳи ахир мақомоти Кореяи Ҷанубӣ беш аз 600 муҳоҷири кории шаҳрвнадони Тоҷикистонро аз ин кишвар ихроҷ кардаанд.

Сафари Шавкат Мирзиёев ба Душанбе

Раисҷумҳури Узбекистон Шавкат Мирзиёев рӯзи 18-уми апрели соли ҷорӣ бо сафари расмӣ вориди пойтахти Тоҷикистон шаҳри Душанбе шуд.

Тахриби масҷид дар Маскав

Мақомоти дахлдлори Русия дар шаҳри Троитски вилояти Маскав масҷиди Абӯбакрро пурра тахриб карданд.