14.9 C
Dushanbe

Як модар 4 фарзандашро буғӣ карда кушт

Рӯзи 9 сентябр як сокини ҷамоати Ориёни ноҳияи Кушониёни вилояти Хатлон бо гумони қатли чаҳор фарзандонаш боздошт гардидааст. Намояндагони Вазорати корҳои дохилии Тоҷикистон хабарро тасдиқ карда, гуфтааст, зан 30 сол дорад, ҳоло дар боздоштгоҳ нигаҳдорӣ мешавад.

Як манбаи Радиои Озодӣ, гуфтааст, он зан Назокатхон Тоирова ном дошта, ду рӯз пеш аз ҳодиса дар хонаи бародараш қарор доштааст.

Гуфта мешавад, шаҳвари зан дар як сохтмон кор мекардааст, замони ҳодиса дар хона қарор надоштааст.

“Баъди куштани чаҳор фарзандаш зан худро ба полис таслим кардааст. Фарзандонаш 10, 8, 4 ва 1-сола будаанд, ки онҳоро бо бӯғӣ кардан ба ҳалокат расонидааст”,- гуфтааст манбаи Озодӣ.

То ҳол маълум нест, ки ба чӣ сабабе модар фазандони худро куштааст. Тафтишот идома доша, додситони вилояти Хатлон сабабҳояшро муайян мекунад, баъдан ҷузъиёташ ошкор мешавад.

Ин бори аввал нест, ки модарон фарзандони худро ба ҳалокат мерасонанд,   моҳи августи соли ҷорӣ дар ноҳияи Рашт як зани 30-сола худ ва се кӯдакашро ба дарё партофта, худкушӣ кард, ки кӯдаконаш 9, 6, ва 3-сола буданд.

Ҳамчунин соли 2016 Зӯҳро Маҳмуродова, зани 25-сола аз Норак худ ва чаҳор фарзандашро ба дарёи Вахш андохт, ки дар натиҷа ҳама ба ҳалокат расида буданд. Чанде пеш дар ноҳияи Вахш як модари ҷавон ҳамроҳ бо се тифли хурдсолаш кӯшиши худкушӣ карда буд, ки се кӯдакаш ба ҳалокат расида буданд.

Ҷомеашиносон сабаби ба чунин амал даст задани модаронро вобаста ба вазъи хонаводагӣ ва шароити пасти зиндагӣ унвон мекунанд, равоншиносон бошанд, омилҳои онро ба бармаҳал ба шавҳар баромадани занҳо ва муноқишаҳои хонаводагӣ медонанд.

Диншиносон ва доираҳои рӯҳоният сабаби аслии ин қазияро вобаста ба бемории рӯҳии модарон медонанд, ки аз сабаби ҳамроҳ гардидани ҷин ба инсон онҳо ба чунин амалҳо даст мезананд. Ба назари олимони дин ин омил метавонад ба воқеи ҳоли онҳо наздиктар бошад, зеро чанд нафареро, ки баъди анҷоми ҳодисаи қасди худкушӣ ва ё қасд ба ҷони нафари дигар бозпурсӣ кардаанд, онҳо аз он амал изҳори бехабарӣ мекунанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Тоҷикистон шомили кишварҳои олудатарини ҷаҳон шуд

Созмони швейтсариягии IQAir, ки сифатнокии ҳаворо дар кишварҳои ҷаҳон таҳқиқ мекунад, дар гузориши тозааш Тоҷикистонро шомили кишварҳои олудатарини дунё кардааст.

Шикояти муҳоҷирони тоҷик дар Русия аз боздошту шиканҷа

Пас аз ҳодисаи ҳамла ба бинои "Крокус Сити Ҳолл" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Ҳабси пешакии гумонбарон дар ҳамлаи хунини Русия

Пас аз ҳодисаи ҳамла ба бинои "Крокус Сити Ҳоле" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Баррасии ҳамкориҳои Тоҷикистону Туркия

Мақомоти баландпояи Тоҷикистон ва Туркия дар бораи ҳамкориҳои худ ва аз он ҷумла дар бораи масоили амниятӣ суҳбат карданд.