35.9 C
Dushanbe

Ифтитоҳи гузаргоҳи нав байни Тоҷикистону Узбекистон

Барои интиқоли молу маҳсулот миёни Тоҷикистону Узбекистон як гузаргоҳи дигар ифтитоҳ гардид.

Бино ба иттилои Кумитаи гумруки давлатии Самарқанд, гузаргоҳи “Ҷартеппа” дар марзи ноҳияи Ургут бо Панҷакенти Тоҷикистон дубора ба фаъолият шурӯъ кардааст.

Ин гузаргоҳ барои интиқоли молу маҳсулот боз шудааст, ки аз ин баъд тоҷирони тоҷику узбек барои содироту воридоти молу маҳсулот метавонанд роҳат аз ин гузаргоҳ истифода баранд.

Гуфта мешавад, ки рафту омади шаҳрвандони ду кишвар тариқи ин постгоҳи назоратӣ, то ҳол барқарор нагардидааст.

Аз 1 октябри соли гузашта Узбекистон марзҳои заминияшро барои шаҳрвандони Тоҷикистон бо риояи қоидаҳои беҳдоштии муайян боз карда буд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Трамп расман ба даст доштан дар ҷинояти нав муттаҳам шуд

Доналд Трамп, собиқ раисҷумҳури Амрико аз сӯи Вазорати додгустарии ин кишвар дар парвандаи нигаҳдории асноди маҳрамонаи давлатӣ пас аз поёни давраи президентияш муттаҳам мешавад.

Мулоқоти сафири Тоҷикистон бо Додситони кулли Туркия

Ашрафҷон Гулов, домоди Эмомалӣ Раҳмон ва сафири Тоҷикистон дар Туркия, 8-уми июни соли ҷорӣ бо Додситони кулли Туркия Бекир Шоҳин мулоқот карда, ба густариши ҳамкориҳо таъкид кард.

Ифтитоҳи бузургтарин масҷиди Осиёи Марказӣ дар Тоҷикистон

Бузургтарин масҷиди Осиёи Марказӣ бо ҳузури Амири давлати Қатар Шайх Тамим ибни Ҳамад Оли Сонӣ ва Эмомалӣ Раҳмон, Президенти Тоҷикистон дар шаҳри Душанбе мавриди баҳрабардорӣ қарор гирифт.

Имзои 15 санади ҳамкорӣ байни Тоҷикистон ва Қатар

Маросими имзои 15 санади ҳамкорӣ байни Тоҷикистон ва Қатар бо ҳузури сарони ду кишвар дар шаҳри Душанбе баргузор шуд.