20.9 C
Dushanbe

Ихроҷи беш аз 320 ҳазор нафар аз Макка

Мақомоти Арабистони Саудӣ эълон кардаанд, ки тайи чанд рӯзи ахир беш аз 300 ҳазор нафарро аз Маккаи Мукаррама ихроҷ кардаанд.

Бино ба иттилои расонаҳои Арабистони Саудӣ, мақомоти амниятии ин кишвар тайи рӯзҳои ахир зиёда аз 300 ҳазор нафаре, ки раводид (виза)-и Ҳаҷ ва ё иҷозатномаи махсуси ба ҷо овардани Ҳаҷро надоштанд, аз ин шаҳр берун кардаанд.

Ба қавли мақомоти ин кишвар, дар рафти баргузории чорабиниҳои амниятӣ байни сокинон ва меҳмонон дар шаҳри Маккаи Мукаррама маълум гардида, 153 ҳазору 998 нафар бо раводиди сайёҳӣ, на раводиди расмӣ барои баргузор кардани Ҳаҷ вориди Арабистони Саудӣ шуда, барои ба ҷо овардани фариза ба Макка рафтаанд. Ҳангоми тафтиш ва бозрасиҳои амниятӣ боздошт ва аз ин шаҳр берун карда шудаанд.

Инчунин дар рафти ин тафтишу бозрасиҳои мақомоти амниятӣ маълум шудааст, ки 171 ҳазору 578 нафари дигар аз шаҳрвандони хориҷии муқими Арабистони Саудӣ, ки рухсатномаи баргузор кардани маросими ҳаҷро дар ин мавсим надоштанд, дар ин шаҳр боздошт ва ҳамаи онҳо ихроҷ шудаанд.

Гуфта мешавад, Ҳаҷ яке аз рукнҳои асосӣ ва панҷгонаи Ислом аст, ки соле як бор ва он ҳам дар моҳи зилҳиҷҷа (солшумории ҳиҷрӣ қамарӣ) дар шаҳри Макка баргузор мешавад. Вазорати Ҳаҷ ва Умраи Арабистони Саудӣ барои кишварҳои исломӣ сари ҳар 1 ҳазор нафар 1 саҳм ҷудо мекунад. Бино бар ин на ҳама хоҳишмандон метавонанд, ки ба сурати расмӣ фаризаи Ҳаҷро анҷом диҳанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Гумонбарон дар қатли занҷираии Конибодом боздошт шуданд?

Мақомот гумонбарон дар қатли занҷираӣ дар шаҳри Конибодоми вилояти Суғдро боздошт кардаанд.

Ҳушдори КҲФ аз омадани сел дар баъзе манотиқ кишвар

Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ба сокинон ва меҳмонони кишвар аз эҳтимоли омадани сел дар чанд ноҳияи кишвар ҳушдор медиҳад.

Боздошти Усмонзода бо иттиҳоми ғасби ҳокимият

Дахлнопазирии вакили парлумони кишвар Саидҷаъфар Усмонзода бекор ва худи ӯ ба ҳабси пешакӣ гирифта шуд.

“Карим”-ро аз Русия ихроҷ карданд

Мақомоти Русия варзишкори тоҷик ва қаҳрамони ду вазни созмони "Hardcore MMA" Фазлиддин "Карим" Мадраҳимовро аз ин кишвар ихроҷ карданд.