Илон Маск, сарватмандтарин марди дунё эълон кардааст, ки ширкати “Coca-Cola”-ро ҳам мехарад.
Имрӯз, 28-уми ноябри соли 2022 Илон Маск, молики ширкати Тесла ва пулдортарин марди дунё дар ҳисоби Твиттераш эълон кард, ки “ин навбат “Coca-Cola”-ро мехарам, то какаинро ба он баргардонам”.
Илон Маск дар бораи ҷузъиёти қарордоди хариди ширкати “Coca-Cola” чизе нагуфтааст, аммо ин хабар ба вокунишҳои зиёди корбарон дар Твиттер рӯбарӯ шудааст.
Аммо баъзе расонаҳо дар робита ба ин эълони Илон Маск гуфтаанд, сармояи умумии ширкати “Coca-Cola” дар дунё зиёда аз 285 миллиард доллар арзиш дорад ва барои ӯ гарон тамом мешавад.
Пеш аз ин Илон Маск ширкати Твиттер, шабакаи маъруфи иҷтимои дунёро, ки зиёда аз 300 миллион муштарӣ, аз он ҷумла раҳбарони кишварҳо ва ширкатҳову созмонҳои бонуфузи дунёро бо ҳам муттаҳид кардааст, бо маблағи 44 миллиард доллар мехарад.