Иёлоти Муттаҳидаи Амрико қабули тамоми дархостҳои вобаста ба муҳоҷират, аз ҷумла барои гринкарт ва шаҳрвандии Амрико аз ҷониби шаҳрвандони Афғонистон ва 18 кишвари дигарро расман боздоштааст.
Ба ин рӯйхат кишварҳои ғайрииқтисодӣ, аз ҷумла Афғонистон, Мянмар, Чад, Ҷумҳурии Конго, Гвинеяи Истоӣ, Эритрея, Ҳайтӣ, Эрон, Либия, Сомалӣ, Судон, Яман, Куба, Лаос, Сиерра-Леоне, Того, Туркманистон ва Венесуэла шомил мешаванд.
Ба қавли мақомдорони амрикоӣ, ин иқдом дар пайи ҳамла ба афсарони Гвардияи миллӣ дар Вашингтон сурат гирифтааст, ки дар он як шаҳрванди 29-солаи Афғонистон Раманулло Лаканвол ҳамчун гумонбар боздошт шуд. Гуфта мешавад, ӯ моҳи апрели соли равон мақоми паноҳандагӣ гирифта буд.
Дар изҳороти расмии давлати Амрико ҳамлаи ахирро ҳамчун далели зарурати шиддат бахшидани назорат бар муҳоҷират зикр шудааст. Ин баён аз ҷониби коршиносон мавриди интиқод қарор гирифта, онро ки ҷузъи сиёсати нави Доналд Трамп дар ин росто медонанд.
Гуфта мешавад, пас аз ба қудрат баргаштани Доналд Трамп дар моҳи январи соли 2025, яке аз сиёсатҳои пешгирифтааш шадидтар кардани барномаи муҳоҷират буд, ки ҳоло бо ҳар баҳонае онро амалӣ мекунад.
Расонаҳои мегӯянд, ба дунболи ҳамла ба афсарони амрикоӣ, мақомоти ИМА чораҳои маҳдудкунанда алайҳи муҳоҷирон, бахусус шаҳрвандони Афғонистонро боз ҳам сахттар карданд.
То ҳол маълум нест, ки раванди боздошти дархости муҳоҷирон муваққатӣ аст ё на ва то кай идома хоҳад ёфт. Вале бар асоси изҳороти мақомоти амрикоӣ, баррасии дубораи сиёсати муҳоҷират ва таҳдидҳои эҳтимолӣ идома дорад.
