35.9 C
Dushanbe

Имзои санадҳои ҳамкорӣ байни шаҳрҳои Хуҷанд ва Липетск

Дар бинои шарҳдории шаҳри Липетски Русия 15-уми июл маросими ботантанаи имзои санадҳои ҳамкорӣ миёни шаҳрҳои Липетск ва Хуҷанд баргузор гардид.

Акс аз сомонаи “news.tpprf.ru”

Дар чорабини мазкур раиси шаҳри Липетск Евгения Уваркина, муовини раиси шаҳри Хуҷанд Бахтиёр Боқизода, раиси Шӯрои шаҳри Липетск Александр Афанасев, раиси Палатаи савдо ва саноати Липетск ва намояндагони ширкатҳои тиҷоратии Липетск ҳузур доштанд.

Раиси шаҳри Липетск Евгения Уваркина бо қаноатмандӣ қайд кард, ки тоҷирони Липетск чанд сол ин ҷониб бо шарикони тиҷории худ аз Хуҷанд ҳамкории самаранок доранд.

“Мо бо камоли мамнуният пешниҳоди ҳамкориро қабул мекунем ва омода ҳастем, ки дар якҷогӣ робитаҳои иқтисодӣ барқарор кунем ва содироти худро инкишоф диҳем”, – қайд кард Евгения Уваркина.

Муовини раиси шаҳри Хуҷанд Бахтиёр Боқизода таъкид кард, ки муносибатҳои дуҷонибаи соҳибкорони ду шаҳр кайҳо ба анъана даромадааст. Боқизода афзуд, ки барои инкишофи ҳамкориҳои дуҷониба корҳои зиёде ба назар гирифта шудааст.

Дар охир ҷонибҳо санадҳои ҳамкорӣ имзо карданд. Тибқи ин аснод, ҷонибҳо барои инкишофи робитаҳо дар бахшҳои иқтисод, маориф, фарҳанг, варзиш, сиёсати ҷавонон ва сайёҳӣ талош хоҳанд кард. Қарор аст то охири соли ҷорӣ созишнома оид ба барқарории равобити дӯстона миёни шаҳрҳои Липетск ва Хуҷанд ба имзо расад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Мишустин аз густариши ҳамкориҳои Русия бо Тоҷикистон гуфт

Михаил Мишустин, сарвазири Русия дар суҳбат бо ҳамтои тоҷикаш...

Трамп расман ба даст доштан дар ҷинояти нав муттаҳам шуд

Доналд Трамп, собиқ раисҷумҳури Амрико аз сӯи Вазорати додгустарии ин кишвар дар парвандаи нигаҳдории асноди маҳрамонаи давлатӣ пас аз поёни давраи президентияш муттаҳам мешавад.

Мулоқоти сафири Тоҷикистон бо Додситони кулли Туркия

Ашрафҷон Гулов, домоди Эмомалӣ Раҳмон ва сафири Тоҷикистон дар Туркия, 8-уми июни соли ҷорӣ бо Додситони кулли Туркия Бекир Шоҳин мулоқот карда, ба густариши ҳамкориҳо таъкид кард.

Ифтитоҳи бузургтарин масҷиди Осиёи Марказӣ дар Тоҷикистон

Бузургтарин масҷиди Осиёи Марказӣ бо ҳузури Амири давлати Қатар Шайх Тамим ибни Ҳамад Оли Сонӣ ва Эмомалӣ Раҳмон, Президенти Тоҷикистон дар шаҳри Душанбе мавриди баҳрабардорӣ қарор гирифт.