21.9 C
Dushanbe

ИНТЕРПОЛ дар Душанбе ҷаласа мегузаронад

Қарор аст фардо, 29-уми марти соли ҷорӣ дар шаҳри Душанбе барои ду рӯз ҷаласаи раҳбарони Бюроҳои Марказии Миллии Интерполҳои Осиёи Марказӣ баргузор шавад.

Тавре Вазорати корҳои дохилии Тоҷикистон хабар медиҳад, ҷаласаи мазкур бо роҳбарии Директор дар умури ҳамкориҳои глобалии Котиботи Генералии Интерпол ҷаноби Абдулазиз Убайдалла рӯзҳои 29-30 марти соли 2023 дар шаҳри Душанбе баргузор мешавад.

Гуфта мешавад, дар ин ҷаласа аз ҷониби Тоҷикистон вазири корҳои дохилии кишвар Рамазон Раҳимзода ширкат хоҳад кард. Ҳамчунин ВКД иттилоъ дод, ки ҷаласаи раҳбарони Бюроҳои Марказии Миллии Интерполҳои Осиёи Марказӣ дар Душанбе бо ҳузури намояндагони зиёда аз 16 кишвари дунё баргузор мегардад.

Дар ин ҷаласа “масъалаҳои рушду инкишоф додани ҳамкориҳои мутақобилан судманд дар доираи ташкилоти байналмилалии Интерпол, амнияти байналмилалӣ ва минтақавӣ, густариши минбаъдаи муносибатҳо дар соҳаи мубориза бо терроризм, таҳдиду хатарҳои замони муосир ва дигар ҷиноятҳои муташаккили фаромиллӣ мавриди баррасӣ қарор дода мешаванд.”


Тоҷикистон аз октябри соли 2004 ба Пулиси байналмилалии ИНТЕРПОЛ узв шудааст. Мақомоти тоҷик пас аз соли 2015 даҳҳо шаҳрванди худро барои ҷустуҷӯ дар пайгарди байналмилалӣ тавассути ин ниҳоди ҷаҳонӣ қарор дода буд. Ба гуфтаи бархе коршиносон, мақомоти тоҷик аз Пулиси байналмилалӣ истифода карда, баштар дигарандешону чеҳраҳои мухолифи шинохта ва бахусус мухолифони сиёсии худро ба рӯйхати он шомил карда аст. https://azda.tv/barghuzorii-chalasai-intierpol-dar-dushanbie/

Хабарро таблиғ кунед:

БЕШТАР БИХОНЕД
БЕШТАР БИХОНЕД

Боздошти се нафар бо иттиҳоми қаллобӣ дар Душанбе

Вазорати корҳои дохилии Тоҷикистон аз боздошти се нафаре хабар дод, ки ба иддаои ин ниҳод, онҳо бо роҳи фиреб додани мардум пулҳои калоне ба даст меовардаанд.

Марги се ҳоҷии тоҷик ҳангоми адои Ҳаҷ

Се нафар аз зоирони тоҷикистонӣ ҳангоми адои фаризаи Ҳаҷ дар Арабистони Саудӣ вафот кардаанд.

Дар ду рӯз 3 кӯдаки ноболиғ ғарқ шуд, кӣ гунаҳкор аст?

Рӯзҳои 16 ва 17-уми июни соли ҷорӣ дар Тоҷикистон се кӯдаки ноболиғ ғарқ шуданд, ки хурдтарини онҳо якунимсола буд.

Дар Русия пулис ҳам метавонад муҳоҷиронро ихроҷ кунад

Аз ин ба баъд пулиси Русия метавонад шаҳрвандони хориҷие, ки даст ба қонуншиканӣ задаанд, бидуни қарори додгоҳ аз Русия ихроҷ кунанд.