14.9 C
Dushanbe

Интиқоди Вазорати корҳои хориҷаи Амрико аз Эмомалӣ Раҳмон

Дар ҳоле Эмомалӣ Раҳмон бо як сафари корӣ дар шаҳри Ню-Йорки Амрико қарор дорад, Вазорати корҳои хориҷии ин кишвар дар як гузориши вежае Тоҷикистонро кишари худкома номид.

Гузориши Вазорати корҳои хориҷии Амрико, ки дар ба вазъи ҳуқуқи инсон бахшида шудааст, Тоҷикистон ва дар раъси он Эмомалӣ Раҳмоноро ба поймол кардани ҳуқуқу озодиҳои шаҳрвандон айбдор кард. Дар гузориш омада, ки Тоҷикистон як давлати худкома аст, ки аз соли 1992 ба ин сӯ аз лиҳози сиёсӣ таҳти нуфузи раисҷумҳур Эмомалӣ Раҳмон ва ҷонибдоронаш қарор дорад. Қонуни асосии кишвар системаи сиёсии бисёрҳизбиро пешбинӣ мекунад, аммо ҳукумат монеи гуногунандешии сиёсист.

Дар гузориш таъкид мешавад, ки моҳи апрели соли 2020 Рустами Эмомалӣ, шаҳрдори Душанбе ва писари калонии Президент Раҳмон, раиси Маҷлиси Миллӣ шуд, амалан ба шахси дувуми ҷумҳурӣ ва вориси тахти падар табдил ёфт.

Вазорати корҳои хориҷии Амрико мегӯяд, интихоботи порлумонӣ дар моҳи марти соли 2020 ва интихоботи президентӣ дар моҳи октябри соли 2020 на озод ва на одилона буданд.

Ҳамчунин гуфта мешавад, Раҳмон дар интихоботҳо аз байни чанд рақиб пирӯз шуд ва ба ин мақом расид. Вале созмонҳои байнулмилалӣ ҳеч як интихоботҳои Тоҷикистонро озоду одилона ва шаффофу демократӣ нашумурдаанд.

Аз ҷумла, дар гузориш қайд шуда, ки ҳама сохторҳои қудратӣ ва Хадамоти гумрук мустақим ба президент итоат мекунанд ва кормандони амниятӣ ба қонуншикании зиёд даст мезананд.

Дар гузориш масъалаи боздошту ҳабс ва кушторҳои худсарона, шиканҷа ва муносибати бераҳмона, шароити сахти зиндонҳо, ҳабсҳои сиёсӣ, маҳдудиятҳои ҷиддии озодии баёну дин, таҳдид ба журналистон, нотавонии мардум барои бо роҳи интихобот дигар кардани ҳукумат, коррупсия дар идораҳои давлатӣ, таъқиби созмонҳои ҳомии ҳуқуқи башари дохилӣ ва байналмилалӣ ва кори кӯдаконро аз мушкилҳои вобаста ба ҳуқуқи одамон дар Тоҷикистон низ номбар шудааст.

Дар гузориш дар робита ба нақзи ҳуқуқи инсон аз ҷониби Эмомалӣ Раҳмон ҳамчун намуна саркӯби озодандешон, қатли зодагони Бадахшон, боздошту зиндонӣ кардани Фаромуз Иршагев, Улфатхоним Мамадшоева, Шоҳида Маҳмадҷонова ва Муслим Шерзамонов, шиканҷа шудани Абдусаттор Пирмуҳаммадзода дар боздоштгоҳ, дуздида ва ба Тоҷикистон оварда шудани Амриддин Аловатшоев, Ораз ва Рамзӣ Вазирбековҳо, таъқиби пайвандони аъзои “Гурӯҳи 24”, ҲНИТ ва ПМТ, инчунин саркӯби озодии баён, аз ҷумла фишор болои Анора Саркорова, ҳамла ба хабарнигорони Радиои Озодӣ ва Настоящее время ва аз боздошту зиндони шудани Далери Имомалӣ ва Абдуллоҳ Ғурбатӣ ва ғайра оварда шудааст.

Вазорати корҳои хориҷии Амрико таъкид карда, ки Тоҷикистон барои муайяну санҷиш ва таъқибу муҷозоти мансабдорон барои фасод ё нақзи ҳуқуқи инсон чора намебинад.

Ин бори аввал нест, ки ҳукумати Тоҷикистон бо раҳбарии Эмомалӣ Раҳмон аз ҷониби кишварҳои ҳомии ҳуқуқ ва созмонҳои байнамилалӣ мавриди интиқод қарор мегирад. Аммо мақомоти кишвар, ба хусус КДАМ дар муддати 31 соли раҳбарии Эмомалӣ Раҳмон ба танқиду тавсияҳо эътибор надода, ҳамоно фишорро болои аҳолӣ бо роҳҳои ғайриқонунӣ ва дар умум нақзи ҳуқуқи инсонро бештар кардааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Тоҷикистон шомили кишварҳои олудатарини ҷаҳон шуд

Созмони швейтсариягии IQAir, ки сифатнокии ҳаворо дар кишварҳои ҷаҳон таҳқиқ мекунад, дар гузориши тозааш Тоҷикистонро шомили кишварҳои олудатарини дунё кардааст.

Шикояти муҳоҷирони тоҷик дар Русия аз боздошту шиканҷа

Пас аз ҳодисаи ҳамла ба бинои "Крокус Сити Ҳолл" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Ҳабси пешакии гумонбарон дар ҳамлаи хунини Русия

Пас аз ҳодисаи ҳамла ба бинои "Крокус Сити Ҳоле" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Баррасии ҳамкориҳои Тоҷикистону Туркия

Мақомоти баландпояи Тоҷикистон ва Туркия дар бораи ҳамкориҳои худ ва аз он ҷумла дар бораи масоили амниятӣ суҳбат карданд.