Созмони Милали Муттаҳид мегӯяд, ки бо кумаки яке аз кишварҳои ғарбӣ зиёда аз 450 ҳазор вояи ваксинаи КОВИД-19 ба Тоҷикистон ирсол гардид.
Бино ба иттиллои Юнисеф дар Тоҷикистон, бо кумаки Британияи Кабир 451 ҳазору 200 адад вояи ваксинаи КОВИД-19 ба воситаи ҳавопаймои Туркиш-Эйр ба дасти масъулин дар шаҳри Душанбе таҳвил дода шудааст.
Ба қавли дафтари ЮНИСЕФ дар Тоҷикистон, ин вояҳои ваксина дар доираи механизми COVAX интиқол дода шудаанд. Ва дар шаҳри Душанбе ба дасти маъсулини Вазорати тандурусӣ ва ҳифзи иҷтимоии аҳолӣ таҳвил дода шудаанд.
Вазорати тандурустӣ Тоҷикистон ҳам бо таъйиди ин хабар гуфтааст: “Дар қабули вояҳои ваксинаи мазкур дар фурӯдгоҳи байналмилалии шаҳри Душанбе намояндагони Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ва Сафорати Британияи Кабир дар Тоҷикистон иштирок намуданд.”
Гуфта мешавад, ин вояҳои ваксина дар ҳоле ба Тоҷикистон таҳвил дода шудаанд, ки мавҷи ҷадиди бемории КОВИД-19 дар баъзе аз кишварҳои дунё ҳазорҳо нафарро рӯзона аз пой меафтонад.
