Осиёи Марказӣ

Исфара: Кандани хандақҳо дар ду сӯи марз

Қирғизистон иддао дорад, ки Тоҷикистон дар назди маркази обтақсимкунии “Головной” - яке аз нуқтаҳои баҳсии марз, хандақҳои бетонӣ месозаду сокинони Исфара исбот карданд, ки қирғизҳо пеш аз тоҷикон ба кандани хандақҳо оғоз кардаанд.

Хабаргузории қирғизии “24.kg” рӯзи якшанбе бо такя ба Хадамоти марзбонии Кумитаи давлатии амнияти миллии Қирғизистон хабар дод: “Имрӯз тахминан соати 11:15 дар минтақаи обанбори Головной ҷониби Тоҷикистон ба насб кардани қолабҳо барои рехтани семент дар хандақҳое, ки дирӯз дар тарафи ғарбии дарёи "Оқсу" кофта шуда буд, идома дод”.

Аммо мақомоти Тоҷикистон то ҳол расман қазияро шарҳ надодаанд. Радиои Озодӣ аз қавли манобеаш навишт, ки "дар Исфара "кор" дар наздикии Маркази тақсими обро рад накарданд, аммо иддаои ҷониби Қирғизистонро "воҳима" донистанд".

Дар ҳамин ҳол корбаре бо номи Исматуллои Раҷаб бо пахши наворе дар саҳифаи фейсбукаш хабар дод, ки баракс ҷониби Қирғизистон хандақҳои бетонӣ омода кардааст, ки дар навор ба хубӣ дида мешаванд.

“Вақте ки худашон (қирғизиҳо) ба сохтмони хандақҳои бетонӣ оғоз мекарданд, чизе набуд, акнун ки Тоҷикистон дар замини худаш ба сохтмон оғоз кард, дарҳол аз пашша фил месозанд.” – менависад Исматуллои Раҷаб.

Ҳамчунин Ғафур Ҷӯраев, раиси маҳаллаи Тоҷикони шаҳри Исфара дар саҳифаи шахсияш дар Фейсбук менависад: "Қирғиз ягон ҳаққу ҳуқуқ надорад ҷониби тоҷикро барои кандани хандакҳо гунаҳкор созад, чунки ман имрӯз дар “Головной” будам ва дидам, ки қирғизҳо чихел хандакҳо кофта бетон карда ба ҷанг омода дидаанд".

Аксҳо аз саҳифаи шахсии Ғафур Ҷӯраев

Ғафур Ҷураев аз мақомоти Тоҷикистон хоста, ки то ҷониби Қирғизистон хандақҳои сохтаи худро вайрон накунад ба сари мизи гуфтушунид нашинанд.

Гуфта мешавад, асри дирӯз, 22-уми август баъд аз расонаӣ шудани ин хабар мақомоти ду кишвар дар ҳол дидору гуфтугӯ карданд.

Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp, Viber ва Imo ба ин рақам:

Матолиби дигари Осиёи Марказӣ

Кӯчаи Абӯабдуллоҳи Рӯдакӣ дар Қазоқистон

Тӯҳфаи Қирғизистон ба Тоҷикистон: Ҳукми абади ду тоҷик

Осиёи Марказӣ

Тавофуқи 50%-и Тоҷикистону Қирғизистон дар таъйини марзҳои муштарак

Осиёи Марказӣ

Мусодираи қариб 100 кг маводи мухаддир дар гузаргоҳи "Сариосиё"