28.9 C
Dushanbe

Иззат Амон чаро афв нашуд?

Шермуҳаммади Шоҳиён раиси Додгоҳи олии Тоҷикистон рӯзи 2-юми феврал дар нишасти матбуотӣ сабаби татбиқ нашудани қонуни нави афв нисбати Иззат Амонро ба рӯзноманигорон гуфт.

Ба иддаои Шоҳиён, “Иззат Амон то замони эълони ҳукм зарарро пурра пардохт накард” ва бинобар ин дар ҳабс монд. Раиси Додгоҳи олии Тоҷикистон чӣ қадар қарздор будани Иззат Амонро нагуфт, вале афзуд, ки “ман намедонам, инаш муҳим нест, қаллобӣ кардааст, мардумро фиреб кардааст.”

Ҳамчунин дар нишасти матбуотии Вазорати адлия, ки онҳам рӯзи 2-юми феврал баргузор гашт, ба Музаффар Ашӯриён суол дода шуд, ки чаро нисбати Иззат Амон афв татбиқ нагардид. Ашӯриён дар посух ба рӯзноманигор гуфт, ки “ Мақомоти салоҳиятдор ҳаст, суолатонро ба онҳо диҳед. Чунки қонунҳоро онҳо татбиқ мекунанд мо иҷро мекунем.”

Дар ҳоле Шермуҳаммад Шоҳиён аз пардохт нашудани маблағ мегӯяд, ки пештар Муҳаммадюсуф Холов, писари Иззат Амон дар суҳбат бо Радиои Озодӣ гуфта буд, ки падарашро барои пардохта натавонистани 220 сомонии як даъвогар зиндонӣ карданд. Вай гуфта буд, омода буданд, ин маблағро бипардозанд, аммо даъвогарро дар ҳеч ҷой наёфтанд.

Иззат Амон ҳомии шинохтаи ҳуқуқи муҳоҷирони тоҷик дар Русия баҳори соли 2021 бо баҳонаи риоя накардани қоидаҳои будубош ва аз роҳи ғайриқонунӣ ба даст овардани мақоми шаҳрвандии он кишвар аз Русия ба Тоҷикистон ихроҷ ва дар шаҳри Душанбе боздошт шуд.

Мақомоти Тоҷикистон сабаби боздошти ӯро қаллобӣ гуфта, алайҳи ӯ парванда сохтанд ва 19 октябри соли 2021 бо ҳукми суд барои напардохтани 220 сомонӣ ба 9 соли зиндон маҳкум шуд.

Тарафдоронаш ӯро бегуноҳ мешуморанд ва мегӯянд парвандаи Иззат Амон сиёсист ва ӯ барои танқидҳои ошкораш аз ҳукумат ва раҳбарони Тоҷикистон ба зиндон андохта шудааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

“Гурӯҳи 24” рафтори мақомоти рус ва беамалии мақомоти тоҷикро маҳкум кард

Ҳаракати сиёсии “Гурӯҳи 24” бо нашри изҳороте рейду боздошт ва латтукӯби муҳоҷиронро дар шаҳру ноҳияҳои Русия муносибати ғайриинсонӣ ва бераҳмонаи мақомоти давлатии ин кишвар номид.

Шикояти вакилони дифоъи Хуршед Фозилов

Вакилони дифои рӯзноманигори зиндонӣ Хуршед Фозилов аз болои ҳукми Додгоҳи Панҷакент ба Додгоҳи вилояти Суғд шикоят бурдаанд.  

Латтукӯби муҳоҷирон ва ба маконҳои номаълум бурдани онҳо идома дорад

Чанд рӯзи ахир боздошт ва латтукӯби муҳоҷирон, бахусус муҳоҷирони тоҷик аз ҷониби нерӯҳои амниятӣ ва интизомии Русия бештар шудааст.

Рафту омад дар роҳи Душанбе-Хуҷанд маҳдуд шуд

Шуруъ аз имрӯз, 1-уми июни соли ҷорӣ дар шоҳроҳи Душанбе-Чаноқ барои рафту омади мошинҳо маҳдудият ҷорӣ шудааст.